BIRINCHI BO'L!

Eng muhim yangiliklardan birinchi xabardor bo'ling!

Obuna bo'lish
×

​​O‘zbekiston fuqarolarining Janubiy Koreyaga kirishiga vaqtinchalik cheklov qo‘yilishi mumkin

Janubiy Koreya mamlakatga tashrif buyuradigan O‘zbekiston fuqarolari sonini qisqartirishi yoki kirishni vaqtinchalik cheklashi mumkin. Bu haqda Tashqi mehnat migratsiyasi agentligi xabar qildi.

Qayd etilishicha, agentlik Koreya Respublikasiga E-9 vizasi bilan jo‘nab ketishga tayyorgarlik ko‘rayotgan fuqarolarga murojaat qilgan. 2021 yil noyabr oyidan Janubiy Koreyaga fuqarolarni vaqtinchalik mehnat faoliyatini amalga oshirish uchun tashkiliy tarzda kirib borishi qayta yo‘lga qo‘yilgan.

Tashqi mehnat migratsiyasi agentligi tomonidan 6 yanvar kuni 65 nafar birinchi marotaba shartnomasi kelgan hamda 35 nafar qayta shartnoma bilan kelgan fuqaro vaqtinchalik mehnat faoliyatini amalga oshirish uchun Janubiy Koreyaga jo‘natilgan.

Fuqarolar mamlakatda tan olingan vaksina bilan emlangani hamda ketishdan 72 soat oldin olingan PZR testi natijasiga ko‘ra COVID-19 infeksiyasi aniqlanmaganiga qaramasdan, Koreya hududida kirib borgan o‘zbekistonliklarda koronavirus infeksiyasi qayd etilgan.

Xususan, 2021 yil 23—30 dekabr kunlari jo‘nab ketgan fuqarolarning 1 nafarida, 2022 yilning 6 yanvar kuni jo‘nab ketgan 98 nafar fuqaroning 6 nafarida koronavirus infeksiyasi aniqlangan. Shu sababli Janubiy Koreya tomonidan O‘zbekiston uchun ushbu davlatga kirib boruvchi fuqarolar soni qisqarishi, hattoki, vaqtinchalik to‘xtatilishi kabi cheklovlar qo‘yilishi mumkin.

Yuqoridagi holatlarni inobatga olib, agentlik fuqarolarning mamlakatga cheklovlarsiz kirib borishini ta’minlash maqsadida quyidagi choralarni qo‘llagan:

Koreya Respublikasi Inson resurslarini rivojlantirish xizmati tomonidan jo‘nab ketishi tasdiqlangan fuqarolar ketishdan oldin jami 3 marta PZR testidan o‘tishlari belgilandi;

fuqaroda Koreya Respublikasiga borgach, COVID-19 infeksiyasi aniqlansa, barcha xarajatlar fuqaro tomonidan amalga oshiriladi.

O‘zbekistonda tibbiyot niqoblari va qo‘lqoplari narxi oshdi O‘zbekistonda tibbiy niqob va qo‘lqoplar narxlari bir oyda o‘rtacha 0,1 foizga oshdi. Bu haqda Davlat statistika qo‘mitasi xabar berdi. Ma’lumotlarga ko‘ra, 2021 yilning dekabr oyida tibbiyot maskalari va qo‘lqoplari narxlari 2021 yilning noyabr oyiga nisbatan, ya’ni bir oyda o‘rtacha 0,1 foizga oshgan. Ularning qiymati 2021 yilda o‘rtacha 3,4 foizga arzonlagani kuzatilgan edi. Eslatib o‘tamiz, sog‘liqni saqlash vazirining 2020 yil 20 martdagi «Tibbiy buyumlar ro‘yxatiga o‘zgartirish kiritish to‘g‘risida»gi buyrug‘i bilan tibbiyot niqobi taqchilligining oldini olish hamda mahalliy ishlab chiqaruvchilarga keng imkoniyat yaratish, shuningdek, tibbiy niqobni ishlab chiqarish, tayyorlash hamda uni realizasiya qilish uchun lisenziya talab qilinishini inobatga olgan holda tibbiyot niqoblari tibbiy buyumlar ro‘yxatidan chiqarilgan. Shundan so‘ng tibbiy niqobni ishlab chiqarish, tayyorlash hamda uni realizasiya qilish uchun lisenziya talab etilmasligi, tibbiy niqob amaliyotda ko‘llash uchun davlat ro‘yxatidan o‘tkazilmasligi belgilangan edi. Pandemiya avj olgan davrda, ya’ni 2020 yilning 18 may holatiga ko‘ra himoya niqoblari ishlab chiqarish kuniga 10,8 million donagacha yetkazilgan. COVID-19 pandemiyasi sababli dunyoning ko‘plab mamlakatlari aholi uchun himoya niqoblari va kombinezonlar yetishmasligi muammosiga duch kelgandi. O‘zbekistonda faoliyat yuritayotgan 275 korxonada kuniga 6 million donadan ortiq niqob va 45 ming dona kombinezon ishlab chiqarish yo‘lga qo‘yilgan edi. Shu bilan birga, 1,7 million dona himoya niqobi va 1,2 million dona xalat gumanitar yordam sifatida, 13,4 million dona niqob eksportga jo‘natilgan. Tibbiy niqoblar narxining o‘sishi so‘nggi paytda virus bilan kasallanish holati O‘zbekistonda jadal kuzatilayotgani bilan izohlanishi mumkin.

Fikr qoldiring