BIRINCHI BO'L!

Eng muhim yangiliklardan birinchi xabardor bo'ling!

Obuna bo'lish
×

O‘z sog‘ligingizga bee’tibor emasmisiz? Unda, siz uchun muhim bo‘lgan 10 ta ilova bilan tanishing!

Qomatingizni yaxshilash va yangi hobbilarni boshlash kabi yechimlar bilan bir qatorda o‘z sog‘ligingizga e’tiboli bo‘lishga qaror qildingizmi? Unday bo‘lsa, quyidagi 10 ilova aynan sizga yordam berishi mumkin.

1. Aloe Bud

Ushbu ilova odamlar har kuni o‘z-o‘zilariga g‘amxorlik qilib borishining kafolatchisidir. Ilova foydalanuvchiga kun davomida suv ichish, ovqatlanish kabi bir necha oddiy kundalik zaruratlarni eslatib boradi. Agar foydalanuvchi eslatmalarni to‘liq bajarmasa, ilova foydalanuvchini kichik rag‘bartlar berish yo‘li bilan uni eslatmalarni bajarish kerakligiga undaydi.

2. Shleep

Shleep foydali ilovalardan bo‘lib, tez yoki to‘yib uxlashni xohlovchilarga juda qo‘l keladi. Ilova foydalanuvchiga bir necha savollar berib, qanchalik yaxshi uxlaganini beligalab boradi. Shuningdek, dastur saboqlar orqali foydalanuvchiga qanday qilib yaxshi uxlash kerakligini ham o‘rgatadi. Foydalanuvchi uxlash odatiga qarab, ilova ma’lum bir modulni o‘zi belgilaydi.

3. ToDon't

O‘ta noodatiy bo‘lgan ushbu ilova foydalanuvchiga nima qilmaslik kerakligini eslatib boradi. Ya’ni ToDon't foydalanuvchi bajarishni istamaydigan odatlari, masalan, ijtimoiy tarmoqlarga kirish kabilarni bajarishdan o‘zini tiyishga yordam beradi.

4. Loosid

Ichishni kamaytirmoqchi bo‘lganlar yoki undan butunlay voz kechishni istaganlar uchun ushbu ilova juda foydali. Loosid - bu ichmaydiganlarning virtual jamiyati bo‘lib, unga a’zo bo‘lganlar doimo ichishni tashlash uchun yordam oladilar. Ushbu ilovada foydalanuvchilar do‘stlar davrsi va tanishuvlar chatiga qo‘shilishlari mumkin.

5. SmokeFree

Chekish — tashlash qiyin bo‘lgan odatlardan biri. SmokeFree ilovasi foydalanuvchiga sekin-asta ushbu odatdan voz kechishga yordam beradi. Ilova foydalanuvchilarga motivatsion iboralar, usullar, sigaretasiz o‘tgan vaqt va pulni tejash kabi maslahatlarni beradi. Bu yordam bilan foydalanuvchi o‘zida ruhiyatni oshira oladi. Misol uchun, ilovadagi oddiy maslahat: agar sigaretga sarflayotgan pulingizni yig‘sangiz, bir necha oyda yangi sumka sotib olishingiz mumkin.

6. Calm

Xavotirda yashaysizmi yoki shunchaki band kunlarni boshdan kechirasizmi, Calm ilovasi sizga kun davomida xotirjam bo‘lish uchun vaqt ajratishga yordam beradi. Ilova bezovtalik, stress, uyqu, kechirimlilik, minnatdorchilik va boshqa mavzularda yuzlab meditatsiyalarni taklif etadi. Mashg‘ulotlar 3 daqiqadan 25 daqiqagacha davom etadi. Ilovada 7 kunlik bepul sinov muddati bor va undan so‘ng yiliga 60 dollar to‘laysiz yoki bir marta va umrbodlik to‘lov 300 dollar turadi.

7. Lumosity

Agar o‘zingizni chalg‘itadigan yoki hordiq chiqarishga ko‘maklashuvchi o‘yin o‘ynamoqchi bo‘lsangiz, bu ilova aynan siz uchun bo‘lishi mumkin. Lumosity bir vaqtning o‘zida o‘yin o‘ynash, o‘rganish va aqliy qobilyatni yaxshilashga imkon beradi. Ilova jumboqlar, xotira o‘yinlari, mantiqiy masalalar, meditatsiya texnikasi va boshqalardan iborat. Undagi o‘yinlarni o‘ynayotgan vaqtingizda, o‘zingizning kuchli va zaif tomonlaringizni bilib olishingiz mumkin.

8. AnxietyHelper

Ushbu ilova foydalanuvchiga tashvish va vahimalardan qanday xalos bo‘lish kerakligini o‘rgatadi. Bu bilan foydalanuvchi o‘z tanasida nima sodir bo‘layotgani haqida ma’lumotga ega bo‘ladi. Shuningdek, ilovadan kasalik alomatlari va davolash metodlarining o‘rganish mumkin. Agar siz doimiy ravishda asabiylikni boshdan kechirsangiz, ilovadagi «vahima haqida ogohlantirish» funksiyasi sizga yo‘l-yo‘riq ko‘rsata oladigan insonga xabar jo‘natadi.

9. The Day One

Kundalik tutish yo‘li bilan ma’lum vaqt davomida qanchalik o‘zgarganingiz va nimalarni bajarganingiz haqida ma’lumotga ega bo‘lib borasiz. O‘z fikr va kechinmalaringizni qog‘ozga tushirib borish terapevtik usul hisoblanadi. Kundalik tutish uchun o‘nlab ilovalar mavjud. Bu borada The Day One ilovasi
sizga ko‘maklashadi.

10. Stretch Timer

Hayotingizni o‘zgartirish uchun ko‘p mashqlarni bajarish shart emas. Kuniga bir marta tana harakatlari mashqlarini bajarish salomatligingiz va mushaklar uchun juda foydalidir. Buning afzal tomonlaridan biri jismoniy imkoniyati cheklangan yoki jarohati bor odamlar ham bajara oladilar. Stretch Timer ilovasi esa bu mashqlarni bajarib borishingizni qayd etib boradi.

Original AirPods'ni soxtasidan qanday farqlash mumkin? Apple AirPods Pro simsiz quloqchini taqdim qilinishi bilan ko‘pchilikning ushbu gadjetga bo‘lgan qiziqishi oshdi. Faol shovqinni kamaytirish funksiyasi qo‘shilgani esa tovush sifatini yanada oshirdi. Ammo sotuvda arzon va soxta AirPods Pro'lar ham kam emas. Narxidan boshqa qaysi jihatga qarab, AirPods Pro'ning haqiqiy Apple mahsuloti ekanligini qanday bilib olish mumkin? Soxta AirPods Pro'ni qanday aniqlasa bo‘ladi? Quyida sizni qiziqtirgan ushbu savollarga javob beramiz. Orginal AirPods Pro'lar maxsus yaratilgan Apple H1 chipiga ega bo‘lsa, klon AirPods Pro'lar Qualcomm'ning simsiz naushniklar uchun chiqarilgan QCC sxemasi va shovqinni kamaytiruvchi chipida ishlaydi. Shu sababdan ham, soxta AirPods Pro tashqi ko‘rinishi va funksiyasi jihatidan original mahsulotga deyarli o‘xshash. Biroq har ikki quloqchinni bir-biridan farqlash usullari bor. Pop-ap oynasidan bilib oling Avvalo, AirPods Pro'ingiz haqiqiy yoki soxtaligini bilish uchun iOS tizimingiz 13 versiyadan yuqori bo‘lishi kerak. Quloqchinning zaryadlagich qutisi qopqog‘ini ochganingizda soxta AirPods Pro zaryadi faqat yoki 50%, yoki 100% bo‘lib ko‘rinadi. Original naushnikda esa o‘ng va chap quloqchinlar va zaryadlash qutisining haqiqiy zaryad miqdori ko‘rsatiladi. Afsuski, hozirda mavjud ba’zi yuqori darajada imitatsiya qilingan AirPods Pro'lar ham original naushnikniki bilan bir xil pop-ap oynani ko‘rsata oladi. Shuning uchun, naushnikni ulayotganingizda ochiladigan pop-ap oynani qo‘lingizdagi mahsulot original yoki soxtaligini tasdiqlashga asos qilib olish har doim ham to‘g‘ri bo‘lmaydi. Endi, zaryadlash qutisidan bitta nasuhnikni oling, ikkinchisi esa zaryadda tursin. Shunda, haqiqiy AirPods Pro'da ulanish pop-ap oynasi quyidagicha o‘zgaradi: Yuqoridagi rasmda chap quloqchin hali ham zaryadlash qutisida bo‘lgani uchun akkumulyator foizi yonida chaqmoq ikonkasi turibdi. O‘ng quloqchin zaryadlanmayotgani uchun esa unda faqat zaryad foizi ko‘rsatilyapti — chaqmoq rasmi yo‘q. Apple'ning W1 va H1 chiplari quloqchinning istalgan tomonidan asosiy qurilma sifatida foydalanish imkonini bergani bois hozirgi misolda o‘ng quloqchinni alohida ishlatishingiz mumkin bo‘ladi. Haqiqiy naushnikda 10 daqiqa qo‘shiq tinglasangiz, zaryad miqdori keskin kamayib ketadi. Klonlarda esa zaryad 90% dan ko‘p qilib ko‘rsatiladi. Seriya raqamidan foydalaning Original AirPods Pro'larga apdeytlar keladi, klonlarga esa yo‘q. Naushnigingiz haqiqiyligini bilish uchun uning seriya raqamidan foydalansangiz ham bo‘ladi. Buning uchun: •1. iPhone'dan Sozlamalar > Umumiy > Haqida > AirPods Pro'ga o‘ting. •2. AirPods zaryadlash qutisini bir marta o‘chirib-yoqing. Shunda, SEID xabari ostida AirPods menyusi paydo bo‘ladi. •3. Menyuga o‘tib, naushnikning seriya raqamini ko‘ring va buni AirPods Pro karobkasida yozilgan seriya raqami bilan taqqoslang. •4. Zaryadlash qutisi qopqog‘ining chap tomonidagi seriya raqamini ko‘ring.   Har uchala seriya raqami bir xil bo‘lsa, demak, sizda original naushnik bor. Agar raqamlar turlicha bo‘lsa, demak klondan foydalanyapsiz. Ikki juft AirPods'ni bir vaqtning o‘zida ulab ko‘ring Hammamizga ma’lum, iOS 13'da ishlovchi iPhone'ga bir vaqtning o‘zida ikki juft (ya’ni to‘rt dona) AirPods'ni ulash mumkin (umumiy audio ulanishi). Ayni damda, bu funksiya faqat original AirPods va Beats quloqchinlari bilangina ishlaydi. Agar ikki juft AirPods'ni iPhone'ingizga teng ulay olmasangiz, soxta AirPods'ga duch kelganingizni tushunarvering. Xulosa Yuqorida keltirilgan usullar sizga foyda beradi, deb umid qilamiz. Agar 250 dollarga original AirPods Pro sotib olmoqchi bo‘lsangiz, xaridni ishonchli do‘konlardan, masalan, Apple'ning o‘zidan amalga oshiring. Agar quloqchin uchun buncha xarajat qilishni xohlamasangiz, klon AirPods Pro ham sizni qoniqtirishi mumkin. Asosiysi, originalining narxiga soxta naushnik sotib olmasangiz bo‘lgani!

Fikr qoldiring