OFK "Nasaf"ni katta jarimaga tortdi
1834 28-01-2022 0 SportOsiyo futbol konfederasiyasi Qarshining "Nasaf" klubini jarimaga tortdi. Bu haqda SA xabar tarqatmoqda.
Unga ko`ra, jamoaning OFK kubogi 2021 yilgi mavsumi doirasidagi Gonkongninng "Li Man" klubi bilan uchrashuvda xavfsizlik va karantin qoidalariga rioya etmagani asos bo`lgan.
Tartib-intizom qo`mitasining qarorlari e`lon qilindi. Unda ta`kidlanishicha, "Nasaf" va "Li Man" jamoalari o`rtasidagi uchrashuvda quyidagi qoidabuzarliklar qayd etilgan:
Реклама на Unews
1) 320 nafar muxlis futbolchilar zaxirasi uchun mo`ljallangan joyga o`tirgan;
2) 2 nafar muxlis hakamning yakuniy hushtagi chalinganidan keyin maydonga tushib ketgan;
3) klub xavfsizlik bo`yicha o`z zimmasidagi vazifalarni ta`minlay olmagan;
Реклама на Unews
4) maydon atrofida akkreditasiyasi yo`q shaxslar yurgan;
5) tomoshabinlar stadionda tamaki chekkan.
OFKning Tartib-intizom qo`mitasi yuqoridagi holatlarni o`rganib chiqib, qaror chiqardi:
1) "Nasaf" tartib-intizom kodeksining 22.2 bandini buzgani uchun 28 ming AQSh dollari miqdorida jarima to`laydi;
2) Tartib-intizom kodeksining 34.1 va 34.3 bandlarini buzgani uchun shartli ravishda (!) 21 ming AQSh dollari miqdorida jarima. Bu band agar yaqin 2 yil ichida shu holat yana takrorlansagina faollashadi;
3) Tartib-intizom kodeksining 1-paragrafi bo`yicha 90 kun ichida 7 ming AQSh dollari to`lash majburiyati.
Shuningdek, shunday holat yana qaytarilsa, bundan ham qattiqroq chora ko`rilishi ta`kidlangan.
Eng qaynoq xabarlar bilan TELEGRAM kanalda birinchilarda xabardor bo'ling.