BIRINCHI BO'L!

Eng muhim yangiliklardan birinchi xabardor bo'ling!

Obuna bo'lish
×

Nurmat Otabekov: "Koronavirus bilan bog‘liq vaziyat hamon murakkab"

O‘zbekiston Respublikasi Vazirlar Mahkamasi huzuridagi Sanitariya-epidemiologiya nazorati davlat inspeksiyasi boshlig‘i, Respublika bosh davlat sanitariya inspektori Nurmat Otabekov quyidagilarni ma’lum qildi: 

Bu haqida "Aniq.uz" nashri xabar bermoqda.

– Mamlakatimizda koronavirus infeksiyasiga chalingan fuqarolar soni 3 ming 965 nafarga yetdi. 4 iyun kuni 73 nafar, kasallik qayd etilgandan buyon esa 3 ming 87 nafar, ya’ni 78 foizdan ziyod bemor to‘liq sog‘aygan. Sog‘liqni saqlash vazirligi taqdim etgan ma’lumotga ko‘ra, shifoxonalarda 862 bemor davolanmoqda, 9 nafarining ahvoli og‘ir, 1 nafarining ahvoli o‘ta og‘ir. 48 mingdan ko‘proq fuqaro karantin tadbirlari bilan qamrab olingan. Ularning 21 mingdan ortiqrog‘i stasionar sharoitda karantinga joylashtirilgan.

Karantin tadbirlari davom etyapti. Koronavirus kasalligi bo‘yicha epidemik vaziyat murakkabligicha saqlanib turibdi. Kuni kecha ro‘yxatga olingan 96 bemorning 81 nafari karantin muassasalariga joylashtirilgan shaxslar orasidan aniqlangan bo‘lsa, 13 nafari aholi orasida qayd etilgan. 2 nafari esa xalqaro yuk tashuvchi shaxslar orasida aniqlangan.

Bundan ko‘rinib turibdiki, har bir ehtiyotsizligimiz kasallikka chalinish ehtimolini yuzaga keltiradi. Shuning uchun maqsadsiz ko‘chaga chiqmang, ko‘chaga chiqsangiz, albatta, doka niqobda bo‘ling, muloqot paytida masofani saqlang, uyga qaytgach antiseptik vositalardan foydalaning. Shundagina, kasallikka chalinishdan o‘zingizni va oila a’zolaringizni, yaqinlaringizni himoya qilgan bo‘lasiz.

Bu ka'bi muhim xabar va yangiliklar bilan Telegram kanalimizda  birinchilardan ta'nishib boring!

Shavkat Mirziyoyev Farg‘onaga nega tashrif buyurganini aytdi O‘zbekiston Respublikasi Prezidenti Shavkat Mirziyoyev 5 iyun kuni Farg‘ona viloyatiga amaliy tashrif bilan keldi. Bu haqida "Aniq.uz" nashri xabar bermoqda. Davlat rahbari korteji dastlab Qo‘shtepa tumanidagi «Tursunov Yusufjon yeri» fermer xo‘jaligi yonida to‘xtadi. Bu yerda 50 gektar g‘alla, 30 gektar paxta yetishtirilmoqda. Prezidentimiz g‘alla rivojini ko‘zdan kechirdi. Gektaridan 82 sentner hosil olish kutilmoqda. Shu yerda qishloq xo‘jaligi sohasi mutasaddilari va qo‘shtepalik fermerlar bilan muloqot bo‘ldi. - Har bir hududning yeri, resurslari, imkoniyatlari o‘ziga xos. Bugun Farg‘onaga kelishimizdan maqsad - bu imkoniyatlarni to‘liq safarbar qilib, odamlarga ish o‘rni, daromad manbai uchun sharoit yaratish, har bir tuman bo‘yicha aniq reja shakllantirish. Qanday mehnat qilsak, shunday hayot bo‘ladi, - dedi Shavkat Mirziyoyev. Xo‘jalik dalasi yonida «Grapes and Gardens Investment» kompaniyasi tomonidan intensiv bog‘ ham yaratilgan. 100 gektarda o‘rik, 52 gektarda gilos ekilgan. Tomchilatib sug‘orish, sun’iy soya qilish uskunalari o‘rnatilgan. Ispaniya va Fransiyadan keltirilgan o‘rik navining hosildorligi juda yuqori. Bu eksportda muhim omil bo‘ladi. Bugungi kunda bog‘ uchastkalari kooperasiya asosida tajribali tadbirkorlarga berilmoqda. Davlatimiz rahbari daraxt qatorlari orasiga sarimsoqpiyoz va dukkakli ekinlar ekish, bunday bog‘larni ko‘paytirish bo‘yicha ko‘rsatmalar berdi. Shu yerda qishloq xo‘jaligi va agrosanoat loyihalari taqdimoti o‘tkazildi. Bu ka'bi muhim xabar va yangiliklar bilan Telegram kanalimizda  birinchilardan ta'nishib boring!

Fikr qoldiring