BIRINCHI BO'L!

Eng muhim yangiliklardan birinchi xabardor bo'ling!

Obuna bo'lish
×

Nihoyat! Koronavirusga qarshi ommaviy emlash vaqti e’lon qilindi

Covid-19 ga qarshi ommaviy emlash 2021 yil o‘rtalarida boshlanishi mumkin. Bu haqda Jahon sog‘liqni saqlash tashkiloti (JSST) rahbarining o‘rinbosari Sumi Svaminatan ma’lum qildideb yozmoqda "Aniq.uz" nashri.

Uning aytishicha, hozirda 20 dan ortiq vaksinaga nomzodlar klinik sinovlarda va ulardan ba’zilari foyda keltirishiga umid qilinmoqda. Natijalarni 2021 yil boshiga qadar olish mumkin.

JSST rahbari o‘rinbosariga ko‘ra, yangi virusga qarshi antitanachalarning qon zardobida bir necha haftadan so‘ng yo‘q bo‘lib ketishi bu immunitet yo‘qligidan dalolat emas. Covid-19 ga qarshi immunitet mexanizmi hali yaxshi anglanmagan.

Avvalroq, Jahon sog‘liqni saqlash tashkiloti koronavirusga qarshi vaksinani birinchi bo‘lib kim olishini aytgandi. Birinchi darajali guruhlarga pandemiyaga qarshi kurashning boshida turgan odamlar kiradi: tez yordam mashinalari haydovchilari, tez tibbiy yordam guruhlari a’zolari va boshqa tibbiy xodimlar. Jahon sog‘liqni saqlash tashkiloti, shuningdek, gipertenziya, diabet kabi kasalliklarga chalingan keksa odamlar ham birinchi bo‘lib emlanishini ta’kidladi.

Bu ka'bi muhim xabar va yangiliklar bilan Telegram kanalimizda  birinchilardan ta'nishib boring!

O`zbekiston ilm-fani og`ir judolikka uchradi. Prezident hamdardlik bildirdi Ijtimoiy falsafa va sosiologiya sohasidagi taniqli olim, O`zbekiston Fanlar akademiyasining akademigi Sattor Tursunmuhamedov shu yil 21 iyul kuni 91 yoshida vafot etdi,  deb yozmoqda "Darakchi.uz" nashri. S.Tursunmuhamedov 1929 yil 11 yanvarda Qozog`iston Respublikasining Chimkent viloyatiga qarashli Turkiston shahrida tug`ildi. 1952 yili O`rta Osiyo davlat universiteti (hozirgi O`zbekiston Milliy universiteti)ni tugatib, ushbu universitet aspiranturasida tahsil oldi. Dastlab nomzodlik, keyinchalik doktorlik dissertasiyasini himoya qildi. Ilm-fan sohasidagi ko`p yillik xizmatlari uchun 2000 yilda O`zbekiston Respublikasi Fanlar akademiyasining haqiqiy a`zosi etib saylandi. O`z mehnat faoliyatini 1955 yili Toshkent moliya-iqtisod institutida katta o`qituvchi sifatida boshlagan iste`dodli olim qariyb 65 yillik ilmiy-pedagogik faoliyati davomida Toshkent xalq xo`jaligi instituti (hozirgi Toshkent davlat iqtisodiyot universiteti) dosenti, professori, kafedra mudiri, Respublika ijtimoiy fanlar o`qituvchilari malakasini oshirish instituti direktori, Nizomiy nomidagi Toshkent davlat pedagogika instituti (hozirgi Toshkent davlat pedagogika universiteti) rektori, Respublika yuqori malakali pedagoglar tayyorlash instituti direktori, Jahon iqtisodiyoti va diplomatiya universiteti kafedra mudiri kabi lavozimlarda samarali mehnat qilib, mamlakatimizda ilm-fan va ta`lim sohalarini rivojlantirish, yuqori malakali ilmiy-pedagog kadrlar tayyorlashga munosib hissa qo`shdi. Zahmatkash olimning ijtimoiy falsafa va sosiologiya sohasining nazariy va amaliy masalalariga bag`ishlangan maqola va tadqiqotlari, monografiya va risolalari yurtimiz olimlari va mutaxassislariga yaxshi ma`lum. Jonkuyar ustoz sifatida ko`plab yoshlarga ta`lim-tarbiya bergan ilm-fan fidoyisining bevosita rahbarligida o`nlab fan nomzodlari va fan doktorlari tayyorlangan. Akademik S.Tursunmuhamedovning mamlakatimiz ilm-fanini rivojlantirish borasidagi xizmatlari davlatimiz tomonidan munosib taqdirlandi. U “O`zbekistonda xizmat ko`rsatgan fan arbobi” faxriy unvoniga sazovor bo`lgan edi. Atoqli olim, mehribon ustoz, kamtarin inson Sattor Tursunmuhamedovning xotirasi qalblarimizda hamisha saqlanib qoladi. Sh.Mirziyoev, T.Norboeva, N.Ismoilov, A.Aripov, B.Yo`ldoshev Bu ka'bi muhim xabar va yangiliklar bilan Telegram kanalimizda  birinchilardan ta'nishib boring!

Fikr qoldiring