Namanganda 23 yoshli qiz ikki nafar erkakni do`pposladi
5392 08-09-2020 0 O'zimizda25 iyun kuni soat 17:30 da 23 yoshli G.A. jamiyatda yurish-turish qoidalarini qasddan mensimasdan, jamoat joyi hisoblangan Norin tumani Zarbdor MFY hududidan o`tgan avtomobil yo`lida 33 yoshli U.A., ni hech bir sababsiz qasddan qo`llari bilan urib, oyoqlari bilan tepib, do`pposlab tan jarohati etkazgan. O`zbekiston Respublikasi IIV huzuridagi Tergov departamenti xabar bermoqda.
Bundan tashqari, G.A. o`zining jinoiy hatti-harakatlari davom ettirib, bezorilik harakatlarini oldini olayotgan 30 yoshli A.N., ga faol qarshilik ko`rsatib, uning yuz qismiga qo`llari bilan qasddan bir necha marotaba urgan.
Mazkur holat yuzasidan Norin tumani IIB huzuridagi Tergov bo`limi tomonidan G.A., ga nisbatan O`zbekiston Respublikasi Jinoyat kodeksining 277-moddasi 3-qismi “g” bandi (jamoat tartibini saqlash vazifasini bajarib turgan hokimiyat vakili yoki jamoatchilik vakiliga yoxud bezorilik harakatlarining oldini olish chorasini ko`rgan boshqa fuqarolarga qarshilik ko`rsatib sodir etilgan bezorilik) bilan jinoyat ishi qo`zg`atilgan.
Реклама на Unews
Hozirda dastlabki tergov harakatlari olib borilmoqda.
Bu ka'bi muhim xabar va yangiliklar bilan Telegram kanalimizda birinchilardan ta'nishib boring!
Eng qaynoq xabarlar bilan TELEGRAM kanalda birinchilarda xabardor bo'ling.