Monopolist iste`molchilar huquqlarini buzishda davom etmoqda. Kusherbaev "UzAuto Motors" mavzusiga qaytdi...

Deputat Rusul Kusherbaev, "UzAuto Motors"  4-pozisiya Chevrolet Cobalt’ni kutayotgan mijozlarga avtomobil o`rindig`ini isitish modulisiz taklif etmoqda ekanini bilgach bu mavzuda o`z fikrlarini bildirdi.  

"Ushbu komplektasiya 1 mln so`mni tashkil etadi hamda ushbu summa mijozga qaytarib berilarkan.

 Kompaniyaning ushbu harakatlari bir qator savollarni keltirib chiqaradi.

Реклама на Unews

  • Birinchi, iste`molchiga kompaniya yarimo`tkazgich topa oldimi yo`qmi qizig`i yo`q. U haqini to`lagan vassalom.
  • Kompaniya nega boshqa mamlakatlar avtomobil sanoatiga o`xshab, avval avtomobilni ishlab chiqarib keyin sotuvga chiqarmayapti? Nega yo`q narsaga oldindan pul oladi?
  •  Ikkinchi, kompaniyaning iste`molchiga ko`rsatmagan xizmat yoki bermagan tovari uchun oldindan haq to`lab ishlashi halol va qonuniymi?
  •  Uchinchi, kompaniya nuqsonli tovar bergani yoki  iste`molchiga vaqtida tovarni bermagani uchun neustoyka(penya) ham to`lashi kerak. Buning hisob-kitobi bormi?

 

Chunki, “Iste`molchilarning huquqlarini himoya qilish to`g`risida”gi Qonunning 19-moddasida “Nuqsonlar belgilangan muddatda bartaraf etilmagan, shuningdek, ish bajarishni (xizmat ko`rsatishni) boshlash va tugallash kechiktirilgan taqdirda, ijrochi iste`molchi har bir kechiktirilgan kun, soat (agar muddat soatlarda belgilangan bo`lsa) uchun ish (xizmat) qiymatining yoki buyurtma qiymatini (agar uning qiymati alohida belgilanmagan bo`lsa) bir foizi miqdorida neustoyka (penya) to`laydi”, degan norma bor.

 

Реклама на Unews

Oddiy aytganda kimdir 100 mln so`mlik avtombilga pul to`ladi-yu, avtomobil aytilgan komplektasiyada bo`lmasa yoki vaqtida haridorga etkazib berilmasa, har o`tkazib yuborilgan kun uchun unga 1 mln.dan pul to`lanadi. Agar 100 kun kechiksa 100 mln to`laydi.

 

Aytgancha shu qonun normasini kompaniyaga yangi kelgan horijlik bosh direktorgayam bildirib qo`yishsa yaxshi bo`lardi.

 

Yuqoridagilardan kelib chiqib, Monopoliyaga qarshi kurashish qo`mitasi huzuridagi Iste`molchilar huquqlarini himoya qilish agentligiga ayni holatni o`rganib, iste`molchilarni himoya qilish masalasida rasman so`rov kiritdik.

Iste`molchilarga nisbatan bunday kamsituvchi munosabat uchun Agentlikdan keskin chora kutib qolamiz. Sudlar ham bu safar iste`molchi huquqiga ko`z yummas. Zero O`zbekiston-huquqiy davlat" deb yozadi Kusherbaev.

Eng qaynoq xabarlar bilan TELEGRAM kanalda birinchilarda xabardor bo'ling.


Fikr qoldiring