BIRINCHI BO'L!

Eng muhim yangiliklardan birinchi xabardor bo'ling!

Obuna bo'lish
×

Meksikada kuchli zilzila yuz berdi

Meksika janubida 7,1 magnitudali zilzila yuz berdi. Yer silkinishlari mamlakat poytaxtida kuchliroq sezilgan, deb xabar beradi Meksika seysmologiya xizmati. Dastlabki ma’lumotlarga ko‘ra bir kishi vafot etdi.

«7,1 magnitudali zilzila soat 20:47da (Toshkent vaqti bilan 6:47) Akapulkodan 11 kilometr janubi-sharqda 10 kilometr chuqurlikda sodir bo‘lgan», — deyiladi xabarda.

Gerrero shtati gubernatori Ektor Astudilo bir kishi halok bo‘lganini ma’lum qildi.

«Menga hozirgina Koyyukda bir odamning vafot etganini xabar berishdi — ustiga simyog‘och qulab tushgan», — dedi u.

Garchi hukumatga moddiy zarar haqida ko‘plab xabarlar kelib tushgan bo‘lsa-da, qurbonlar va jarohatlanganlar haqida boshqa hech qanday ma’lumot yo‘q, deya xulosa qildi shtat gubernatori.

Mexiko shahar meri Klaudiya Sheynbaumning so‘zlariga ko‘ra, zilzila poytaxtga zarar yetkazmagan. Uning nutqi Twitterda e’lon qilindi.

«Politsiya shaharni uch marta aylanib chiqib, hech qanday zararni qayd etmagan», — dedi u.

Siyosatchi ba’zi hududlarda elektr yo‘qligini, lekin hukumat elektr energiyasini tiklash bo‘yicha energetika kompaniyasi bilan aloqada ekanligini qo‘shimcha qildi.

Agentlik muxbirining xabar berishicha, zilzila paytida Meksika poytaxti ko‘chalariga yugurib chiqqan odamlar yomg‘ir yog‘ayotgan bo‘lishiga qaramay, uylariga qaytishga shoshmayaptilar. Fuqarolar zilzila takrorlanishi mumkinligi haqida xabardor qilingan.

“Tolibon” Panjsherda etnik tozalash boshlagani aytilmoqda Toliblar Afg‘onistonning Panjsher viloyatidan minglab odamlarni chiqarib yuborgan va u yerda etnik tozalash ishlarini olib bormoqda. Bu haqda Afg‘oniston Milliy qarshilik fronti vakili Ali Nazariy ma’lum qilgan.  “Tolibon” minglab odamlarni Panjsherdan quvib chiqardi. Ular etnik tozalashni amalga oshirmoqda, dunyo esa hali ham vaziyatni kuzatyapti va e’tibor bermayapti”, deb yozgan Nazariy Twitter’dagi sahifasida.  Qarshilik vakili xalqaro hamjamiyatni aralashishga chaqirgan.  Avvalroq, Ahmad Mas’ud boshchiligidagi milliy qarshilik fronti toliblar hujumi sabab chekingani haqida xabar berilgandi. Ammo hududning asosiy qismi hamon qarshilik kuchlari nazoratida qolmoqda. Ma’lumot o‘rnida, Panjsher Afg‘onistoning sharqida joylashgan bo‘lib, u yerda taxminan 150 ming aholi yashaydi. Qayd etish kerakki, viloyatning 98 foiz aholisi etnik tojiklardan tashkil topgan. Afg‘onistondagi vaziyat AQSHning Afg‘onistonda 20 yil davom etgan harbiy operatsiyasi Prezident Jo Bayden davriga kelib yakunlandi. AQSH qo‘shinlari joriy yilning 31 avgust kuni mamlakatni tark etdi. Bunga qadar Yevropaning boshqa davlatlari, jumladan Britaniya va Germaniya ham mamlakatni tark etdi. Ushbu jarayon yakunlanmasidan “Tolibon” harakati poytaxt Qobulni egallab, joriy yilning 15 avgust kuni Afg‘oniston Islom Respublikasini qulatdi. 19 avgust kuniga kelib toliblar Afg‘oniston Islom Amirligi tuzilganini e’lon qildi.

Fikr qoldiring