BIRINCHI BO'L!

Eng muhim yangiliklardan birinchi xabardor bo'ling!

Obuna bo'lish
×

Mart oyidan buyon 600 nafar jurnalist koronavirusdan vafot etdi

So‘nggi 10 oy ichida 59 mamlakatdan 600 dan ortiq jurnalist koronavirus infeksiyasi oqibatida vafot etgan. Bu haqda bugun, 5 yanvar kuni Jenevada “Press Emblem Campaign” nodavlat tashkiloti ma’lum qildi, deb yozmoqda "Qalampir.uz" nashri.

“Mart oyining boshidan buyon COVID-19 dan vafot etgan 602 nafar jurnalistning yarmidan ko‘pi – 303 nafari Lotin Amerikasida faoliyat olib borar edi.  Undan so‘ng, Osiyoda 145 nafar, Yevropada 94 nafar, Shimoliy Amerikada 32 nafar va Afrika 28 nafar jurnalist vafot etgan”, deya bayonot berdi tashkilot.

Qayd etilishicha, Peru o‘lim darajasi eng yuqori bo‘lgan mamlakat bo‘lib qolmoqda, chunki mart oyidan beri u yerda 93 nafar matbuot xodimi vafot etgan. Ikkinchi o‘rinda Braziliya – 55 nafar vafot etgan jurnalist bilan. Shuningdek, Hindiston – 53, Meksika – 45, Ekvador – 42, Bangladesh – 41, Italiya – 37, AQSH – 31, Pokiston – 22, Turkiya – 17, Buyuk Britaniya – 13, Panama – 11, Boliviya – 9 nafar jurnalistidan ayrilgan. Tashkilot ro‘yxatida Afg‘oniston (8), Dominikan Respublikasi (8), Nigeriya (8), Rossiya (8) va boshqa qator mamlakatlar ham mavjud.

“Kasblari taqozosi tufayli voqealarni ko‘rish uchun turli xil maydonlarga boradigan jurnalistlar virusga juda moyil. Ularning ba’zilari, xususan, frilanserlar va fotosuratchilar shunchaki uy sharoitida ishlay olmaydilar”, deydi tashkilot Bosh kotibi Blez Lampan.

Eslatib o‘tamiz, avvalroq UNESCO Pandemiya payti qariyb 60 nafar jurnalist halok bo‘lgani haqida xabar bergandi.

Bu ka'bi muhim xabar va yangiliklar bilan Telegram kanalimizda  birinchilardan ta'nishib boring

Tahlilchilar 2021 yilning asosiy global xatarlari reytingini taqdim etdi Eurasia Group konsalting kompaniyasi 2021 yilda butun dunyo duch keladigan o‘nta xavf-xatar reytingini tuzib chiqdi, deb xabar beradi «RBK». Ro‘yxatning birinchi pog‘onasida «Amerikaning parchalanishi» o‘rin olgan — bu AQSH aholisining deyarli yarmi har bir yangi prezidenti legitim emas, deb hisoblaydigan vaziyatdir, deb yozmoqda "Zamin.uz" nashri.Ekspertlarning fikricha, bu kabi vaziyat Qo‘shma Shtatlarda hokimiyatga Jo Bayden o‘tirishi bilan yuzaga keladi. Bu butun dunyodagi geosiyosiy vaziyatga ta’sir ko‘rsatadi va ushbu sohada setsessiyaga olib keladi.Eurasia Group reytingining ikkinchi pog‘onasida koronavirus pandemiyasining cho‘zilishi o‘rin olgan. Vaksinatsiya fonida jamiyatning boylar va kambag‘allar qatlamiga ajralishi yanada ko‘proq kuzatiladi. Bu ko‘plab davlatlardagi jamoatchilik orasida tartibsizliklarga sabab bo‘ladi. Bundan tashqari, pandemiya oqibatida ishchilar soni qisqartiriladi, hukumatga bo‘lgan ishonch yo‘qoladi, rivojlanayotgan mamlakatlarda qarz inqirozi yuzaga keladi.Kompaniya uchinchi xavf-xatar sifatida iqlim o‘zgarishiga qarshi kurashni keltirib o‘tgan bo‘lib, u xalqaro raqobatni yuzaga keltiradi.Eurasia Group’ning Top-10 xavf-xatarlar ro‘yxati quyidagicha:- AQSH va Xitoy o‘rtasidagi keskinlikning ortishi;- Xalqaro formatda ma’lumotlar uzatishning qiyinlashuvi;- Raqamli makonda global mojaroning yuzaga kelish ehtimolligi;- Siyosiy oqibatlarga olib kelishi mumkin bo‘lgan turk iqtisodiyotidagi muammolar;- Neft narxining arzonlashuvi sabab Yaqin Sharq mamlakatlari iqtisodiyotining qulashi;- Angela Merkelning Germaniya kanslerligidan ketishi;- Pandemiya va ayrim mamlakatlaridagi saylovlar sabab Lotin Amerikasida yuzaga keladigan siyosiy hamda ijtimoiy inqiroz.Dekabr oxirida Jahon sog‘liqni saqlash tashkiloti bosh direktori Tedros Gebreyesus Buyuk Britaniya va JARda aniqlangan koronavirusning yangi shtammini 2021 yilda insoniyat uchun chaqiriq deb atagandi.Gebreyesusning so‘zlariga ko‘ra, JSST koronavirus qanday qilib mutatsiyaga uchrayotgani va o‘zgarayotganini tushunish uchun butun dunyodagi olimlar bilan faol hamkorlik olib bormoqda. Vaksinalar va infeksiyasini davolashning qo‘llanmalari bo‘lsihiga qaramay, koronavirusning yangi variantlari yangi yilda qiyinchiliklarni yuzaga keltirishi mumkin. Bu ka'bi muhim xabar va yangiliklar bilan Telegram kanalimizda  birinchilardan ta'nishib boring! 

Fikr qoldiring