“Manchester Siti” hujumchisiga “Barselona” xaridor: u klubni tark etmoqchi

1965 19-08-2021 0 Sport

Angliyaning “Manchester Siti” klubining portugaliyalik a’zosi Bernardu Silva jamoani tark etishni xohlamoqda. Bu haqda “Sky Sports” nashri xabar bermoqda.

Ma’lumotlarga ko‘ra, yarim himoyachi Ispaniya chempionatiga o‘tishni xohlashini o‘z agentiga ma’lum qilgan. 27 yoshli futbolchiga da’vogarlar orasida Kataloniyaning “Barselona” hamda Madridning “Atletiko” klublari bor.

So‘nggi xabarlarda aytilishicha, “Ko‘k-anorranglilar” Silvaning transferi borasida muzokara o‘tkazgan. Kataloniyaliklar “shaharliklar”ga futbolchilar almashinuvini taklif etgan, biroq “Siti” portugaliyalikni to‘liq sotishdan manfaatdor ekanini ma’lum qilgan.

Ma’lumot uchun, Bernardu “Manchester Siti” sharafini 2017 yil yozidan beri himoya qilib keladi. Uning Angliya chempioni bilan shartnomasi 2024-25 yilgi mavsum oxirigacha mo‘ljallangan.