“Malika” savdo majmuasi sotuvchisida ham koronavirus chiqdi
Co‘nggi ikki haftada Toshkent shahrida aniqlangan 551 nafar holatdan 482 nafari aholi orasidan aniqlandi, shundan 57 ta holatda yuqish manbai noma’lum bo‘lib qolayotgani kasallikni yuqtirib olish xavfi yuqori ekanini ko‘rsatmoqda, deb yozmoqda "Sof.uz" nashri.
15 iyun sanasida yurtimizda koronavirus infeksiyasi tasdiqlangan 183 nafar bemorning 29 nafari aholi orasida aniqlangan bo‘lsa, 16 iyun kuni esa koronavirus qayd etilgan 230 nafar bemordan 20 nafari aholi orasida tasdiqlandi. Ikki kunlik ma’lumotga ko‘ra, umumiy kasallanish ko‘rsatkichi ancha oshgan, aholi orasida koronavirusga chalinish holati esa birmuncha kamaygan.
16 iyun kuni aholi orasida koronavirus aniqlanish holatlarini hududlar kesimida ko‘radigan bo‘lsak,
Toshkent shahrida 14 nafar,
Buxoro viloyatida 3 nafar,
Samarqand viloyatida 2 nafar,
Namangan viloyatida esa 1 nafarni tashkil etdi.
Реклама на Unews
Jumladan, Toshkent shahri Olmazor tumanida yashovchi oilaning 3 nafar a’zosida (dam olish hududiga hordiq chiqarish uchun oilaviy borishgan, bir kun o‘tib, tana harorati ko‘tarilgach, tahlil topshirishgan), shu tumanda yashovchi yana uch nafar fuqaroda: Uchtepa tumanidagi tikuvchilik sexi ishchisida, ishga joylashish uchun namuna toshirgan shaxsda hamda tana harorati ko‘tarilgani sababli poliklinikaga murojaat qilgan fuqaroda kasallik qayd etilgan.
Bundan tashqari, “Malika” savdo majmuasi sotuvchisida (ishga chiqish uchun namuna topshirgan), Yunusobod tumanida yashovchi homilador ayolda (shifoxonaga yotish uchun namuna topshirgan), Sergeli tumanida yashovchi vaqtincha ishsiz fuqaro (tana harorati ko‘tarilgach, uy sharoitida shifokorga murojaat qilmasdan davolangan) va uning 4 nafar oila a’zosida, respublika ixtisoslashtirilgan onkologiya va tibbiy radiologiya ilmiy-amaliy tibbiyot markazida davolanish uchun namuna topshirgan fuqaroda infeksiya aniqlangan.
Shuningdek, Samarqand tumanida yashovchi nafaqadagi bemorda (onkologiya kasalligi sababli shifoxonaga yotish uchun namuna topshirgan), Samarqand shahridagi 24-maktab farroshi (ko‘krak bezi kasalligi bo‘yicha namuna topshirgan), Buxoro viloyati Shofirkon tumanida yashovchi haydovchida ham kasallik tasdiqlangan.
Реклама на Unews
Bu ka'bi muhim xabar va yangiliklar bilan Telegram kanalimizda birinchilardan ta'nishib boring!
Eng qaynoq xabarlar bilan TELEGRAM kanalda birinchilarda xabardor bo'ling.
