Koronavirusning “hindcha” shtammi yana uchta davlatda aniqlandi

2431 30-04-2021 0 O'zimizda

Yuqtirish holatlari Ruminiya, Isroil va Fransiyada qayd etilgan. Ruminiya Sog‘liqni saqlash vazirligiga mamlakatga bir oy oldin kelgan 26 yoshli bemorda yangi COVID-19 shtammini yuqtirish holati tasdiqlandi. Rasmiylar Hindistondan yaqinda kelgan qurilish ishchilari orasida koronavirus yuqishini kuzatishmoqda.

Qayd etilishicha, yuqtirganlarda kasallikning yengil alomatlari bo‘lgan. Fransiyaning janubi-g‘arbiy qismidagi Lot va Garona bo‘limida infeksiyaning “hindcha” variantiga chalinganlar aniqlandi. Virus tashuvchisi Hindistondan mamlakatga kelgan fransuz bo‘lib chiqdi. Mintaqa rahbariyati u bilan aloqada bo‘lgan odamlar orasida keng ko‘lamli tekshiruv o‘tkazdi.

O‘z navbatida, Isroil Sog‘liqni saqlash vazirligi mamlakatda koronavirusning “hindcha” turi bo‘yicha 41 ta holat aniqlanganini e’lon qildi, ularning to‘rt nafari avvalroq infeksiyaga qarshi emlangan. Sog‘liqni saqlash vazirligining ma’lumotlariga ko‘ra, yangi shtammni yuqtirgan 24 nafari yaqinda chet eldan qaytgan, qolgan 17 nafari mamlakat ichida kasallik yuqtirgan.