BIRINCHI BO'L!

Eng muhim yangiliklardan birinchi xabardor bo'ling!

Obuna bo'lish
×

Koronavirus asoratlaridan qanday tuzalish mumkin? Mutahasis maslahati...

Koronavirus infeksiyasini boshidan o‘tkazganlar kasallik oqibatlaridan xalos bo‘lish uchun yoga nafas olish mashqlarini bajarishi maqsadga muvofiq bo‘ladi. Bu haqda tibbiyot fanlari doktori, immunolog, o‘ta xavfli infeksiyalar bo‘yicha mutaxassis Vladislav Jemchugov gapirgan.

Uning ta’kidlashicha, ushbu virusni boshidan o‘tkazgan har bir inson ma’lum bir reabilitatsiya dasturini ishlab chiqishi kerak. Shifokorning so‘zlariga ko‘ra, bu har bemorning holatiga bog‘liq.

Mutaxassisning fikriga ko‘ra, koronavirusdan sog‘ayganlarda nafas olish tizimi bilan bog‘liq muammolar kuzatiladi. Shuningdek, ularning markaziy asab tizimida ham turli xil shikastlanishlar bo‘lishi mumkin, jumladan bosim, harorat va puls ortishi holatlari.

Ma’lumot o‘rnida, dunyoda koronavirusga chalinganlar 62 mlndan oshgan. 1,4 mln bemor vafot etgan.

«Sputnik V» vaksinasining sotuvga chiqish narxi tasdiqlandi Rossiya sog‘liqni saqlash vazirligi koronavirusga qarshi ishlab chiqilgan «Sputnik V» vaksinasining ishlab chiqaruvchidan sotuvga chiqadigan cheklangan narxini tasdiqladi. Bu haqda sog‘liqni saqlash vazirining yordamchisi Aleksey Kuznetsov ma’lum qildi. «Uning narxi ikkita komponent uchun 1942 rublni (26,1 dollar) tashkil etadi. Besh dona ikki komponentli to‘plamdan iborat qadoq narxi 9710 rubl atrofida (130,7dollar) ro‘yxaga olindi», — dedi Kuznetsov. Avvalroq Rossiyaning to‘g‘ridan to‘g‘ri investitsiyalar jamg‘armasi (RFPI) rahbari Kirill Dmitriyev BMT Bosh assambleyasining maxsus sessiyasida “Sputnik V” vaksinasining bir dozasi narxi 10 dollardan kamroqni tashkil qilishini aytgandi. Ayni vaqtda Rossiya vaksinasining sinovlari Belarus, Venesuela, BAA va Hindiston kabi davlatlarda o‘tkazilmoqda. Xorijdan turib vaksina sinovlarida qatnashayotganlarning umumiy soni 5 ming kishidan, mamlakat ichidagi ko‘ngillilar esa 40 ming kishidan oshib ketgan. Shuningdek, hozirgi kunda Hindiston, Braziliya, Xitoy, Janubiy Koreya va yana 4 ta mamlakatdagi zavodlarda «Sputnik V» vaksinasini ishlab chiqarish hajmini yiliga 500 million dozaga chiqarish borasida kelishuvga erishilgan. Ma’lumot uchun, Rossiyada avgust oyida «Sputnik V» vositasi koronavirusga qarshi vaksina sifatida ro‘yxatdan o‘tkazilgan. 4 dekabr kuni Rossiya sanoat va savdo vaziri Denis Manturovning shaxsan o‘zi koronavirusga qarshi «Sputnik V» vaksinasini Toshkentga olib kelgani xabar qilindi.
Koronavirusning eng xavfli jihati ma’lum qilindi! Yangi turdagi koronavirus SARS-CoV-2’ning eng xavfli jihati uning yuqori darajada yuquvchanligi hisoblanadi. Bu haqda xitoylik virusolog, professor Chjun Nanshan ma’lum qildi, deb xabar berdi “Xuansyuvan” portali. Professorning ta’kidlashicha, SARS-CoV-2 mavsumiy gripp, ORVI (o‘tkir respirator virusli infeksiya) yoki MERS koronavirusidan tezroq va osonroq yuqadi. Shu sababli bu infeksiyaga qarshi kurashish uchun 4 ta komponent: erta himoya, infeksiyani erta aniqlash, erta tashxis va erta izolyatsiya zarur. Erta himoya ostida niqob va qo‘lqoplar taqib yurish, qo‘llarni tez-tez yuvish va ijtimoiy masofaga rioya qilish ko‘zda tutiladi. Bu choralar insonni himoyalaydi, chunki koronavirus bevosita aloqalar yoki yuzalar orqali yuqadi. Koronavirusni erta aniqlash uchun gavjum joylarda tana haroratini o‘lchash zarur. Shuningdek, shubhali alomatlar paydo bo‘lganda darhol shifokorlarga murojaat qilish kerak. Bunday alomatlarga o‘zini yomon his qilish, tana harorati ko‘tarilishi, quruq yo‘tal va noodatiy toliqish kiradi. Erta tashxis shifoxonalarda koronavirusga chalinganlarni boshqa bemorlar bilan aralashtirib yubormaslik imkonini beradi. Mutaxassisning aytishicha, buning uchun ambulator sharoitlarda ko‘rik o‘tkazish lozim. O‘z navbatida, erta izolyatsiyalash kasallangan odamning sog‘lom odamlar bilan aloqalarini minimallashtiradi. Avvalroq amerikalik olimlar SARS-CoV-2’ning o‘ta yuquvchanligi sababini aniqlashganini ma’lum qilishgandi. Ularning ta’kidlashicha, yangi turdagi koronavirus boshqa koronaviruslar: atipik zotiljam keltirib chiqaruvchi SARS-CoV-1 va inson uchun xavfsiz HCoV-HKU1’ning genomlarini o‘zida mujassamlagan. Atipik zotiljam virusi uncha yuqumli bo‘lmay, biroq undan o‘lish darajasi yuqori. HCoV-HKU1, aksincha, o‘ta yuqumli bo‘lib, biroq deyarli bezarar hisoblanadi.

Fikr qoldiring