Karantinda narxlarni oshirib olgan dorixonalarga nisbatan ta`sir choralari mavjudmi?
2338 19-07-2021 0 O'zimizdaBugun AOKAda Adliya vazirligi axborot xizmati rahbari Sevara O`rinboeva ishtirokida o`tkazilgan brifingda aholidan kelgan ushbu savolga quyidagicha javob berildi:
" O`zbekiston Respublikasi Prezidentining 2016 yil 31 oktyabrdagi “Aholini dori-darmon vositalari va tibbiyot buyumlari bilan ta`minlashni yanada yaxshilashga doir chora-tadbirlar to`g`risida”gi PQ-2647-sonli qarorda dori-darmon vositalari va tibbiyot buyumlarini:
ulgurji savdo uchun sotib olingan qiymatidan 15 foizdan;
Реклама на Unews
chakana savdo uchun ulgurji narxidan 20 foizdan ortiq bo`lmagan miqdorlarda belgilanadigan cheklangan savdo ustamalari qo`llanilgan holda sotishlari belgilangan. Shuningdek, ushbu qoidalar Vazirlar Mahkamasining 2017 yil 6 apreldagi 185-son qarorida ham belgilab ketilgan.
Dorixonalarda narxlarning keskin oshib ketishida yuqoridagi qoidalarning buzilishi aniqlanganida ushbu holat savdo yoki xizmat ko`rsatish qoidalarini buzish, deya baholanadi hamda O`zbekiston Respublikasi Ma`muriy javobgarlik to`g`risidagi kodeksning 164-moddasiga asosan, fuqarolarga bazaviy hisoblash miqdorining bir baravaridan besh baravarigacha, mansabdor shaxslarga esa — besh baravaridan etti baravarigacha miqdorda jarima solishga sabab bo`ladi",
Eng qaynoq xabarlar bilan TELEGRAM kanalda birinchilarda xabardor bo'ling.