BIRINCHI BO'L!

Eng muhim yangiliklardan birinchi xabardor bo'ling!

Obuna bo'lish
×

Jizzaxda 2,5 mingdan ortiq arxiv hujjatlari «makulatura»ga topshirib yuborilgani aniqlandi

Joriy yilning 7 may kuni Jizzax viloyati davlat arxivi saqlovidagi hujjatlar yo`qolganligi aniqlangan. Bu haqda «O`zarxiv» agentligi matbuot xizmati xabar qilmoqda. 

Ma`lum qilinishicha, Jizzax viloyati davlat arxivi saqlovida bo`lgan hujjatlaridan noqonuniy ravishda olib chiqib ketilgan va tezkor qidiruv ishlari natijasida 2 660 s.b. hujjatlar Jizzax viloyati Sh.Rashidov tumanida joylashgan ikkilamchi qog`oz chiqindilarini to`plash, tayyorlash va qayta ishlash maskanidan qaytarib olib kelingan.

 

Hozirda, Jizzax viloyati davlat arxivida navbatdan tashqari arxiv hujjatlarining mavjudligi va holatini to`liq tekshirishni amalga oshirilmoqda. Shuningdek, arxiv binosining video kuzatuv kameralari ishchi holatiga keltirildi.

Bulardan tashqari, mazkur holat bo`yicha, “O`zarxiv” agentligining Ishchi guruh tomonidan Jizzax viloyati davlat arxivida xizmat tekshiruv o`tkazildi. O`rganish natijalari bo`yicha to`plangan hujjatlar huquqiy baho berish uchun Jizzax viloyati prokuraturasiga yuborilgan.

Mazkur holat bo`yicha, Jizzax viloyati prokuraturasi va Jizzax viloyati ichki ishlar organlari tomonidan tekshirishlar olib borilmoqda. Ushbu holat bo`yicha qo`shimcha tafsilotlar Agentlik tomonidan taqdim etib boriladi.

Toshkentda YPX xodimlaridan qochgan haydovchi o‘zini mashinadan tashlab, vafot etdi Ijtimoiy tarmoqlarda "Ohangaronda haydovchi YPX inspektori tomonidan kaltaklandi va vafot etdi" izohi bilan xabarlar tarqaldi. Ichki ishlar bosh boshqarmasi boshlig‘ining Matbuot kotibi Bobur To‘laganov bu holatga oydinlik kiritdi. Unga ko‘ra, joriy yilning 20 may kuni Toshkent viloyati Ohangaron tumani O‘zar qishlog‘i hududidan o‘tgan “Nurafshon-Ohangaron” avtomobil yo‘lining 52 km.da Ohangaron yo‘nalishi bo‘ylab harakatlanib kelayotgan, “VAZ-2121” rusumli davlat raqami 10 N 526 YEA bo‘lgan avtomashina YHXB inspektorlari tomonidan tekshirish uchun to‘xtatilgan.   Shu vaqtda haydovchi 1995 y.t. G‘.SH.ning ushbu avtotransportni boshqarish uchun me’yoriy hujjatlari yo‘qligi ma’lum bo‘lgan.   Haydovchiga nisbatan O‘zbekiston Respublikasi MJtKning 135-moddasi 1-qismi bilan elektron ma’muriy bayonnoma rasmiylashtirilib, avtomashinani vaqtinchalik jarima maydoniga joylashtirish uchun, YHXB inspektori boshqaruvida olib ketilayotganida, old o‘rindiqda o‘tirgan haydovchi G‘.SH. avtransport eshigini ochib, o‘zini avtomashinadan tashlab yuborgan. YHXB inspektorlari tomonidan fuqaro G‘.SH.ga birinchi tibbiy yordam ko‘rsatilib, Ohangaron shahar tibbiyot birlashmasiga olib borilgan. Shifoxonada unga “Bosh miya ochiq jarohati, bosh miya qon quyilishi og‘ir holati, bosh miya siljib sinish” tashxisi qo‘yilgan. Joriy yilning 6 iyun kuni soat 23:00 larda fuqaro G‘.SH. Toshkent shaxrida joylashgan 39-sonli shifoxonada ko‘rsatilgan muolajalarga qaramasdan vafot etgan.   Holat yuzasidan prokuratura organlari tomonidan tekshiruv o‘tkazilmoqda.

Fikr qoldiring