Ichki ishlar, «O‘zbekiston temir yo‘llari» xodimlari, avtobus konduktori va boshqalar: kecha koronavirusga chalinganlar haqida

So‘nggi kunlarda Toshkent shahrida aholi orasida koronavirusga chalinish holatlari boshqa hududlarga qaraganda yuqori bo‘lib kelayotgan edi. Kechagi holatda esa biroz pasayganini ko‘rish mumkin, deyiladi SSV xabarida, deb yozmoqda "Xabar.uz" nashri.

Avval xabar qilinganidek, 25-iyun sanasida yurtimizda koronavirus infeksiyasi tasdiqlangan 276 nafar bemordan 24 nafari aholi orasida aniqlangan bo‘lsa, 26 iyun kuni esa 250 nafar bemordan 25 nafari aholi orasida tasdiqlanib, shundan 8 nafari Toshkent shahrida aniqlandi.

Ikki kunlik ma’lumotga ko‘ra, umumiy kasallanish ko‘rsatkichi biroz kamaygan, aholi orasida koronavirusga chalinish holati esa biroz oshganini ko‘rish mumkin.

Реклама на Unews

Jumladan, Toshkent shahrida Mirzo Ulug‘bek tumanida yashovchi A.Z.da ( profilaktika maqsadida namuna topshirgan), «Logistika universal markazi» MChJ xodimi G.S.da, «O‘zbekiston temir yo‘llari» AJ xodimi H.Q.da (Toshkent viloyati Qibray tumanidagi qarindoshining uyiga borgan) kasallik aniqlangan.

Shuningdek, Yunusobod tumanida yashovchi Sh.A.da (profilaktika maqsadida namuna topshirgan), shahar  ichki ishlar tizimi xodimi F.G.da, poytaxtimizdagi avtosaroy konduktori S.D.da, Chilonzor tumanida yashovchi M.X.da (tana harorati ko‘tarilganligi sababli namuna topshirgan) ham koronavirus infeksiyasi aniqlangan.

Ayni vaziyatda Sog‘liqni saqlash vazirligi aholi orasida koronavirusga chalinish xavfi yuqoriligi bois poytaxtimiz aholisi va mehmonlaridan karantin qoidalariga qat’iy amal qilishlarini so‘rab qolgan.

Реклама на Unews

Bu ka'bi muhim xabar va yangiliklar bilan Telegram kanalimizda  birinchilardan ta'nishib boring!

Eng qaynoq xabarlar bilan TELEGRAM kanalda birinchilarda xabardor bo'ling.


Fikr qoldiring