BIRINCHI BO'L!

Eng muhim yangiliklardan birinchi xabardor bo'ling!

Obuna bo'lish
×

Hongkongdan AQSHga qochgan virusolog koronavirus haqidagi “haqiqat”ni so‘zlab berdi!

Hongkongni tark etgan va Xitoy hukumatidan AQSHda yashirinayotgan virusolog ayol Li Men Yan rasmiy Pekin koronavirus haqidagi ma’lumotlarni uzoq vaqt yashirganini ma’lum qildi.

Olima Fox News telekanaliga bergan intervyusida dunyoga koronavirus haqida “haqiqat”ni oshkor qilish uchun AQSHga qochib ketganini ma’lum qilgan. Olima oldindan qochish rejasini tuzib, AQSHga 28 aprelda uchib ketgan. Yanning aytishicha, u AQSHga jo‘nab ketayotganda qamoqqa olinishi yoki “yo‘q qilib yuborilishi” mumkinligini to‘liq anglagan.

Yanning aytishicha, u 2019 yil oxirida Jahon sog‘liqni saqlash tashkilotining referent laboratoriyasida ishlagan ilmiy rahbaridan koronavirus keltirib chiqaruvchi kasallikka o‘xshash noodatiy kasallik holatlarini o‘rganish topshirig‘ini olgan. Uning Xitoydagi kasalliklar nazorati va profilaktikasi markazidagi do‘sti koronavirusga chalinganlar bilan shaxsan ishlagan va dekabrda infeksiya odamdan odamga yuqishini birinchi bo‘lib aniqlagan.

Biroq shundan ko‘p o‘tmay Xitoyda virusni ochiqcha muhokama qilgan mutaxassislar birdan jimib qolgan. Ayolning ta’kidlashicha, shifokorlar va olimlar bu haqida og‘iz ochmaslik haqida buyruq olgan va virusni muhokama qilishdan to‘xtagan. Virusologning aytishicha, bu axborotning yashirilishidan darak beradi.

“Shifokorlar “Bu haqida gapira olmaymiz, biroq niqob taqib yurishimiz lozim”, deb aytishgan”, deya ta’kidlamoqda olima.

Bundan tashqari, virusolog faoliyat olib borgan Hongkong universiteti sobiq xodimasi haqidagi sahifani o‘z saytidan o‘chirib tashlagan. Xitoy elchixonasida “bunday odam haqida hech narsa eshitishmagani” ta’kidlab o‘tilgan va u taqdim qilgan barcha ma’lumotlar rad etilgan.

Yanning ta’kidlashicha, Pekin va Jahon sog‘liqni saqlash tashkiloti virusning odamdan odamga yuqishini ancha kech tan olgan. Bu orada Xitoy va JSST bunday ayblovlarni rad etmoqda va yanvarda barcha davlatlar virusning odamdan odamga yuqishi haqida ogohlantirilganini ta’kidlamoqda. JSSTda ta’kidlanishicha, olima hech qachon bevosita tashkilot uchun ishlamagan.

May oyida Associated Press axborot agentligi AQSH ichki xavfsizlik vazirligi hujjatlariga asoslanib, Pekin kasallarni davolash uchun zarur dori-darmonni g‘amlab olish uchun epidemiyani ataylab yashirganini ma’lum qilgan. Ta’kidlanishicha, Xitoy go‘yoki buni eksport cheklovlari borligini rad etgan va savdo haqidagi ma’lumotlarni berishni kechiktirgan holda yashirishga harakat qilgan.

Koronavirusning eng xavfli jihati ma’lum qilindi! Yangi turdagi koronavirus SARS-CoV-2’ning eng xavfli jihati uning yuqori darajada yuquvchanligi hisoblanadi. Bu haqda xitoylik virusolog, professor Chjun Nanshan ma’lum qildi, deb xabar berdi “Xuansyuvan” portali. Professorning ta’kidlashicha, SARS-CoV-2 mavsumiy gripp, ORVI (o‘tkir respirator virusli infeksiya) yoki MERS koronavirusidan tezroq va osonroq yuqadi. Shu sababli bu infeksiyaga qarshi kurashish uchun 4 ta komponent: erta himoya, infeksiyani erta aniqlash, erta tashxis va erta izolyatsiya zarur. Erta himoya ostida niqob va qo‘lqoplar taqib yurish, qo‘llarni tez-tez yuvish va ijtimoiy masofaga rioya qilish ko‘zda tutiladi. Bu choralar insonni himoyalaydi, chunki koronavirus bevosita aloqalar yoki yuzalar orqali yuqadi. Koronavirusni erta aniqlash uchun gavjum joylarda tana haroratini o‘lchash zarur. Shuningdek, shubhali alomatlar paydo bo‘lganda darhol shifokorlarga murojaat qilish kerak. Bunday alomatlarga o‘zini yomon his qilish, tana harorati ko‘tarilishi, quruq yo‘tal va noodatiy toliqish kiradi. Erta tashxis shifoxonalarda koronavirusga chalinganlarni boshqa bemorlar bilan aralashtirib yubormaslik imkonini beradi. Mutaxassisning aytishicha, buning uchun ambulator sharoitlarda ko‘rik o‘tkazish lozim. O‘z navbatida, erta izolyatsiyalash kasallangan odamning sog‘lom odamlar bilan aloqalarini minimallashtiradi. Avvalroq amerikalik olimlar SARS-CoV-2’ning o‘ta yuquvchanligi sababini aniqlashganini ma’lum qilishgandi. Ularning ta’kidlashicha, yangi turdagi koronavirus boshqa koronaviruslar: atipik zotiljam keltirib chiqaruvchi SARS-CoV-1 va inson uchun xavfsiz HCoV-HKU1’ning genomlarini o‘zida mujassamlagan. Atipik zotiljam virusi uncha yuqumli bo‘lmay, biroq undan o‘lish darajasi yuqori. HCoV-HKU1, aksincha, o‘ta yuqumli bo‘lib, biroq deyarli bezarar hisoblanadi.

Fikr qoldiring