Go‘sht 35 000 so‘mdan 75 000 so‘mgacha. Bozorlardagi narx-navo qanday?

Davlat statistika qo‘mitasi hududlardagi markaziy dehqon bozorlarida, alohida turdagi oziq-ovqat mahsulotlarining minimal-maksimal narxlari to‘g‘risida ma’lumot berdi, deb yozmoqda "Qalampir.uz" nashri. 

Qo‘mita tomonidan, mamlakatdagi markaziy dehqon bozorlarida, 2020 yil 14 iyul kuni o‘tkazilgan kuzatuv natijalari bo‘yicha, alohida turdagi oziq-ovqat mahsulotlarining minimal-maksimal narxlari quyidagi ko‘rinishga yega bo‘ldi.

Mol go‘shti (suyaksiz go‘shtidan tashqari) 38 000 so‘mdan 65 000 so‘mgacha (kg)

Реклама на Unews

Kuzatuv natijasiga ko‘ra, 1 kg mol go‘shtining (suyaksiz go‘shtidan tashqari) minimal narxi, Nukus shahrining “Nukus dehqon bozori”ning arzonlashtirilgan go‘sht rastasida qayd yetilgan (38 000 so‘m). Mol go‘shtining maksimal narxi esa, Toshkent shahrining “Oloy dehqon bozori”, “Farhod dehqon bozori” va “Mirobod dehqon bozori”da kuzatildi (65 000 so‘m).

Qo‘y go‘shti 39 000 so‘mdan 75 000 so‘mgacha (kg)

Qo‘y go‘shtining minimal narxi kuzatuv natijasiga ko‘ra, Toshkent shahrining “Mirobod dehqon bozori”da (39 000 so‘m) ro‘yxatga olingan. Maksimal narxi esa, Toshkent shahrining “Oloy dehqon bozori”da (75 000 so‘m) kuzatildi.

Реклама на Unews

Kartoshka 1 500 so‘mdan 6000 so‘mgacha (kg)

Kuzatuv natijalariga ko‘ra, Chirchiq shahrining “Chirchiq dehqon bozori”da sotuvda bo‘lgan yirik bo‘lmagan kartoshkaning narxi minimal narx sifatida (1 500 so‘m) qayd yetilgan. Shu bilan birga, Toshkent shahrining “Oloy dehqon bozori” va “Mirobod dehqon bozori”da sotiltgan saralangan kartoshkaning narxi maksimal narx sifatida (6000 so‘m) qayd etildi.

Piyoz 750 so‘mdan 3 000 so‘mgacha (kg)

Kuzatuv natijasiga ko‘ra, Termiz shahrining “Markaziy dehqon oziq-ovqat bozori”da sotuvda bo‘lgan mayda piyozning narxi minimal narx sifatida (750 so‘m) ro‘yxatga olindi. Maksimal narx sifatida esa Toshkent shahrining “Oloy dehqon bozori” va “Mirobod dehqon bozori”da sotuvda bo‘lgan saralangan piyozning narxi kuzatildi (3 000 so‘m).

Sabzi 1 000 so‘mdan 5 000 so‘mgacha (kg)

Sabzi mahsulotining minimal narxi kuzatuv natijasiga ko‘ra, Nukus shahrining “Nukus dehqon bozori” va Jizzax shahrining “Eski shahar dehqon bozori”da (1 000 so‘m) qayd etilgan. Shu bilan birga, Toshkent shahrining “Mirobod dehqon bozori”da sotuvda bo‘lgan tozalangan va saralangan sabzining narxi maksimal narx sifatida (5 000 so‘m) qayd etildi.

Tuxum 6 000 so‘mdan 12 000 so‘mgacha (10 dona)

Kuzatuv natijasiga ko‘ra, Andijon shahrining “Yangi bozor dehqon bozori” va “Andijon shahar markaziy dehqon bozori”, Samarqand shahrining “Siyob dehqon bozori”, Guliston shahrining “Guliston dehqon bozori”, Yangiyo‘l shahrining “Ixtisoslashgan Yangiyo‘l shahar dehqon bozori” va Toshkent shahrining “Farxod dehqon bozori”da sotuvda bo‘lgan mayda tuxumning narxi minimal narx sifatida qayd etildi (6 000 so‘m). Maksimal narxi esa, Toshkent shahrining “Oloy dehqon bozori” va “Mirobod dehqon bozori”da qayd yetilgan (12 000 so‘m).

Guruch 4 700 so‘mdan 18 000 so‘mgacha (kg)

Kuzatuv natijalariga ko‘ra, guruch mahsulotining minimal narxi Nukus shahrining “Nukus dehqon bozori”da ro‘yxatga olingan (“Nukus 2” navli guruch 4 700 so‘m). Maksimal narx esa, Toshkent shahrining “Mirobod dehqon bozori”da kuzatildi (“Lazer” navli guruch 18 000 so‘m).

O‘simlik yog‘i 8 400 so‘mdan 14 500 so‘mgacha (litr)

O‘simlik yog‘i mahsulotlarining kuzatuv natijasiga ko‘ra minimal narxi Toshkent shahrining “Qo‘yliq dehqon bozori”da (mahalliy paxta yog‘i 8 400 so‘m) kuzatildi. Maksimal narxi esa, Toshkent shahrining “Oloy dehqon bozori”da (kungaboqar yog‘i 14 500 so‘m) kuzatildi.

Shakar 5 800 so‘mdan 7 000 so‘mgacha (kg)

Shakar mahsulotining kuzatuv natijasiga ko‘ra minimal narxi Termiz shahrining “Markaziy dehqon oziq-ovqat bozori”da, Guliston shahrining “Guliston dehqon bozori”da, Toshkent shahrining “Farhod dehqon bozori”, “Mirobod dehqon bozori”, “Yeski jo‘va dehqon bozori” va “Qo‘yliq dehqon bozori”da (5 800 so‘m) qayd yetildi. Maksimal narxi esa, Toshkent shahrining “Oloy dehqon bozori” va “Mirobod dehqon bozori”da (7 000 so‘m) kuzatildi.

Bu ka'bi muhim xabar va yangiliklar bilan Telegram kanalimizda  birinchilardan ta'nishib boring!

Eng qaynoq xabarlar bilan TELEGRAM kanalda birinchilarda xabardor bo'ling.


Fikr qoldiring