Diqqat! Kontraktga o‘tish ballari ham o‘zgardi

7861 03-10-2020 11 O'zimizda

DTM saytidagi o‘tish ballari sahifasida ham o‘zgarish yuz bergan. Masalan, Toshkent davlat yuridik universiteti misolida oladigan bo‘lsak, avval davlat granti uchun o‘tish ballari 2 ta fakultetda ko‘rsatilmagan, shunchaki chiziqcha qo‘yilgan edi. Chunki o‘sha yo‘nalishlarda kvota doirasida sportchilar imtiyozli qabul qilingandi. Ana endi ular kvotadan tashqariga olib o‘tilgandan keyin, davlat granti uchun o‘tish bali 189 ball deb belgilangan. Demak, 189 ball olganlarning barchasi grantga qabul qilingan, deb yozmoqda "Aniq.uz" nashri.

Yana bir muhim tomoni, kontrakt uchun ham kirish ballari biroz pastlagan. Ya’ni sportchilar kvotadan tashqariga olib o‘tilgani natijasida kontrakt chizig‘ining tagida turgan va ozgina bali yetmay qolgan abituriyentlar mandat chizig‘ida yuqoriga ko‘tarilib, kontrakt asosida qabul qilingan.

"Shuning uchun mandat chizig‘i tagida turgan abituriyentlar yana bir bor o‘z natijalarini qayta tekshirib qo‘yishlarini so‘ragan bo‘lar edim.

Bugun ko‘pchilikning uyida qo‘chqorlar so‘yiladiganga o‘xshaydi", deb yozadi Xushnudbek Xudoyberdiyev.

Bu ka'bi muhim xabar va yangiliklar bilan Telegram kanalimizda  birinchilardan ta'nishib boring!