BIRINCHI BO'L!

Eng muhim yangiliklardan birinchi xabardor bo'ling!

Obuna bo'lish
×

Davlat xaridlarida xorijiy tovarlar olishni cheklash rejalashtirilyapti

O‘zbekiston Respublikasi Vazirlar Mahkamasining “Mahalliy ishlab chiqaruvchilarni qo‘llab-quvvatlash chora-tadbirlari to‘g‘risida”gi qarori loyihasi muhokamaga qo‘yildi, deb yozmoqda "Qalampir.uz" nashri.

Iqtisodiy taraqqiyot va kambag‘allikni qisqartirish vazirligi tomonidan ishlab chiqilgan loyihada 302 nomdagi xorijda ishlab chiqarilgan tovarlar va xorijiy shaxslar tomonidan bajariladigan xizmatlarni davlat xaridi doirasida sotib olishni vaqtinchalik taqiqlash yoki chegaralash taklif qilinmoqda.

Qayd etilishicha, qaror loyihasi koronavirus pandemiyasining iqtisodiyotga salbiy ta’sirini kamaytirish, sotuv bozorlarining qisqarishi oqibatida iqtisodiyotning qator tarmoq va sohalaridagi korxonalarning ishlab chiqarish faolligini cheklovchi omillarni qisqartirishga qaratilgan. Qaror bilan:

•    Davlat xaridlaridagi ishtiroki vaqtinchalik taqiqlangan va chegaralangan, xorijda ishlab chiqarilgan tovarlar, shuningdek, chet el yuridik va jismoniy shaxslar (bundan buyon matnda xorijiy shaxslar deb yuritiladi) tomonidan bajariladigan ishlarning (xizmatlarning) ro‘yxatini shakllantirish tartibi to‘g‘risidagi nizom;
•    Davlat xaridlarida mahalliy ishlab chiqarilgan tovarlarga (ishlarga, xizmatlarga) preferensiyalar berish tartibi to‘g‘risidagi nizom;
•    Davlat xaridlaridagi ishtiroki vaqtinchalik taqiqlangan va chegaralangan, xorijda ishlab chiqarilgan tovarlar, shuningdek, xorijiy shaxslar tomonidan bajariladigan ishlarning (xizmatlarning) ro‘yxatini (jami 302 nomdagi) tasdiqlash rejalashtirilmoqda.

302 nomdagi tovarlar sirasiga go‘sht mahsulotlaridan tortib qurilish mollariyu avtomobillar ham kiritilgan. Ro‘yxatda kanselyariya buyumlari va bolalar tagligini ham ko‘rish mumkin.

Qaror Prezidentning 2020 yil 21 avgustdagi “Mahalliy ishlab chiqaruvchilarni qo‘llab-quvvatlashga doir qo‘shimcha chora-tadbirlar to‘g‘risida” PQ-4812-son qarorini amalga oshirish doirasida tayyorlanmoqda.

Loyiha o‘zgartirilishi, unga qo‘shimchalar kiritilishi yoki rad etilishi mumkin.

Bu ka'bi muhim xabar va yangiliklar bilan Telegram kanalimizda  birinchilardan ta'nishib boring!

Alibaba kompaniyasi o‘zbekistonliklarni ish bilan ta’minlaydi Jahon savdo tashkiloti Alibaba kompaniyasi bilan O‘zbekiston yoshlarini biznes yuritishiga ko‘maklashadi, deb yozmoqda "uznews.uz" nashri. O‘zbekistonda ilk eksport halqasi tuzildi. Halqa O‘zbekiston eksportchilari uyushmasi, Jahon savdo tashkiloti, Alibaba kompaniyasi hamda Farg‘ona shahrida ochilgan yangi Biznes akademiyasidan iborat, deya xabar bermoqda Xalq so‘zi Online.Qayd etilishicha, Jahon savdo tashkiloti akademiya o‘qituvchilarini xalqaro standartlar asosida tayyorlaydi, Biznes akademiyasi halqa ishtirokchilarini o‘qitadi, Alibaba kompaniyasi tinglovchilarga tajriba uchun o‘z platformasini ochib beradi.O‘zbekiston eksportchilari uyushmasi esa akademiya talabalarini ish bilan ta’minlab, butun eksport halqasi ishlashini nazorat qiladi.Shu maqsadda Farg‘ona shahrida ilk tadbirkorlik va biznes Akademiyasi tashkil etildi.Unda o‘quvchilar xalqaro savdo huquqi, logistika, marketing, raqamli tijorat yo‘nalishlari bo‘yicha o‘qitiladi.Hozircha u yerda 40 nafar talaba o‘qishi mumkin. Talabgorlar yosh, biznes muhitidan xabardor va chet tillarini bilishi tavsiya etiladi. Ular ilk kundanoq Xitoyning gigant kompaniyasi Alibaba’da ish boshlaydi.O‘zbekiston eksportchilari uyushmasining mazkur onlayn tijorat kompaniyasi bilan kelishuviga asosan Alibaba biznes akademiya o‘quvchilariga o‘z platformasini ochib beradi.Talabalar har bir amalga oshirgan elektron tijoriy ishi uchun 1 foizdan 5 foizgacha haq ham oladi.Darslar haftada 6 kun ikki smenada 4 soatdan davom etadi. Akademiyada Jahon savdo tashkilotining maxsus kurslarida tayyorlanib, sertifikatlarga ega bo‘lgan o‘qituvchilar dars berishadi. O‘qish davomiyligi uch oy. Bu ka'bi muhim xabar va yangiliklar bilan Telegram kanalimizda  birinchilardan ta'nishib boring!

Fikr qoldiring