Darslari o`tilmaydigan fan o`qituvchilarining oylik maoshlari saqlanadi

4504 16-09-2020 0 O'zimizda

O`quvchilarning sog`ligini himoyalash,  ijtimoiy masofani saqlagan holda ortiqcha muloqotning oldini olish maqsadida Xalq ta`limi vazirligi tomonidan ayrim fanlarni o`tish vaqtinchalik tavsiya etilmasligi haqida  xabar bergandik.

O`zbekiston Respublikasi Prezidenti Shavkat Mirziyoev rahbarligida 2020 yilning 28 avgustida “Umumiy o`rta ta`lim muassasalarida 2020/2021 o`quv yiliga tayyorgarlik ko`rish ishlari to`g`risida” o`tkazilgan videoselektor yig`ilishida belgilangan topshiriqlar ijrosini ta`minlash maqsadida viloyat, shahar va tuman xalq ta`limi bo`limlariga an`anaviy shaklda dars mashg`ulotlari o`tkazilmaydigan ayrim fanlar pedagoglariga ajratilgan dars soatlari bo`yicha oylik ish haqini saqlash topshirildi.Bu haqda Xalq ta`limi vazirligi xabar berdi.

Ushbu fan o`qituvchilari maktabda o`quvchilarning sog`ligini himoyalash bilan bog`liq boshqa tadbirlarga jalb etilishi belgilandi. O`quv yili boshlangunga qadar bo`lgan davr uchun muassasaning pedagog va boshqa xodimlariga 2020/2021 o`quv yili uchun shakllantirilgan tarifikasiya ro`yxati hamda shtatlar jadvali bo`yicha belgilangan lavozim maoshidan kelib chiqib, oylik ish haqi to`lab beriladi.

Mehnatiga soatbay haq to`lanadigan o`rindoshlik asosida ishlovchi pedagog xodimlarning mehnatiga haq to`lash muassasada o`quv jarayoni boshlangandan keyin amalga oshiriladi.

Eslatib o`tamiz maktabda o`tilmaydigan fanlar masofaviy ta`lim shaklidagi televizion darslar orqali uzatiladi.

Bu ka'bi muhim xabar va yangiliklar bilan Telegram kanalimizda  birinchilardan ta'nishib boring!