Chilida 111 yoshli ayol koronavirusdan tuzaldi
Chililik ayol 111 yoshida koronavirusdan sog‘ayishga muvaffaq bo‘ldi, deya xabar berdi mahalliy «24Horas» telekanali, deb yozmoqda "Xabar.uz" nashri.
Xuanita ismli ayol Santyago provinsiyasi Nunoa kommunasi «Hogar Italiano» qariyalar uyida istiqomat qiladi. Ehtiyot choralariga qaramay, 12-aprel kuni undagi COVID-19 ga tahlil natijalari musbat chiqdi.
OAV xabariga ko‘ra, kasallikni yuqtirgunga qadar Xuanitada respiratorli muammolar kuzatilgan, shunga qaramay, u infeksiyani yengishga muvaffaq bo‘ldi. Iyul oyida u 112 yoshini nishonlashni rejalashtirmoqda.
Реклама на Unews
Avval Ispaniyaning eng keksa fuqarosi — 113 yoshli Mariya Branias ham COVID-19 dan tuzalishga muvaffaq bo‘lgani ma’lum qilingandi.
Chilida koronavirusni yuqtirganlar soni qariyb 78 mingni tashkil etadi, 806 kishi tuzaldi.
Bu ka'bi muhim xabar va yangiliklar bilan Telegram kanalimizda birinchilardan ta'nishib boring!
Реклама на Unews
Eng qaynoq xabarlar bilan TELEGRAM kanalda birinchilarda xabardor bo'ling.
