BMT koronavirus epidemiyasining ikkinchi to`lqinining oldini olish yo`lini ma`lum qildi
Koronavirusning ilk o`chog`i va pademiyaning sababchisi Xitoyda ham, Janubiy Koreyada ham koronavirusdan zararlanish holatlari yana qayd etila boshlandi. Koronavirus o`chog`i bo`lib turgan Rossiya virusning ilk talofatini bartaraf qilmasdan uning ikkinchi to`lqiniga tayyorgarlik ko`rishni boshladi. Ular pandemiyaning ikkinchi to`lqinini kuzda kutayapti. Bu haqida "Darakchi.uz" nashri xabar bermoqda.
O`zbekiston Sog`liqni saqlash vazirining birinchi o`rinbosari, Sanitariya-epidemiologik osoyishtalik agentligi direktori Bahodir Yusupaliev yurtimizda ham koronaviursning ikkinchi to`lqini kuzda bo`lishi mumkinligini aytib o`tdi.
Ekspertlarning bildirishicha, koronavirusning ikkinchi to`lqini ancha kattaroq talofatlar bilan o`tishi mumkinligini bashorat qilishmoqda.
Реклама на Unews
Biroq BMT Bosh kotibining gumanitar masalalar bo`yicha o`rinbosari Mark Loukok koronavirusning ikkinchi to`lqinining oldini olish yo`lini aytib o`tdi. Uning ma`lum qilishicha, koronavirus epidemiyasining ikkinchi to`lqinining oldini olish uchun kambag`al mamlakatlarda uning tarqalishini to`xtatish kerak.
Uning ta`kidlashicha, agar AQSh va Evropa davlatlari qashshoq mamlakatlarga yordam bermasa, dunyo koronavirus infeksiyasining yangi zarbasiga duch keladi va virus AQSh, Evropa va boshqa g`arbiy davlatlariga yana qaytadi.
Loukok, shuningdek, agar hozir hech qanday chora ko`rilmasa, turli mojarolar, ochlik va qashshoqlikning keskin ko`payishiga tayyor bo`lish kerakligi haqida ham ogohlantirdi.
Реклама на Unews
Avvalroq BMT dunyodagi 37 ta qashshoq davlatga koronavirus bilan kurashishda yordam berish uchun 1 milliard dollar miqdorida mablag` ajratganini ma`lum qilgan edi.
“Ipoteka — bank” bosh boshqarmasi xodimida koronavirus aniqlandi
Putin meni qayta saylanishimni xohlamayapti – Tramp
Bu ka'bi muhim xabar va yangiliklar bilan Telegram kanalimizda birinchilardan ta'nishib boring!
Eng qaynoq xabarlar bilan TELEGRAM kanalda birinchilarda xabardor bo'ling.
