Armaniston Tog‘li Qorabog‘da yon berishga tayyorligini bildirdi, Ozarbayjon esa gumanitar yo‘lak ochishga
Armaniston Tog‘li Qorabog‘ atrofidagi voqealarda yon berishga tayyor, agar Ozarbayjon bunga tayyor bo‘lsa, deya ma’lum qildi mamlakat Bosh vaziri Nikol Pashinyan AFP agentligiga. Boku, o‘z navbatida, harbiy harakatlar davom etayotgan joyda armanlar uchun gumanitar yo‘lak (koridor) ochishga tayyorligini bildirdi, deb yozmoqda "Sof.uz" nashri.
Mojaroni hal qilish o‘zaro imtiyozlar asosida amalga oshirilishi kerak, deydi Pashinyan. "Tog‘li Qorabog‘ va Armaniston Ozarbayjonga bunday imtiyozlarni berishga tayyor", deya uning so‘zlarini keltiradi TASS. Shu bilan birga, bosh vazir, agar vaziyat zarur bo‘lsa, Rossiya harbiy hamkorlik sohasidagi shartnomaviy majburiyatlarini bajarishiga ishonch bildirdi. Pashinyan, shuningdek, Qorabog‘dagi harbiy harakatlar Turkiyaning faol ishtirokisiz boshlanmas edi degan fikrni bildirdi.
Ozarbayjon, o‘z navbatida, mojarolar bo‘layotgan hududda arman aholi uchun gumanitar yo‘lak ochishga tayyorligini bildirdi. Harbiy harakatlar bo‘layotgan hududni tark etishni istagan har kim, jumladan harbiylar ham xalqaro huquq normalariga binoan hududni tark etishi mumkin, deya qayd etadi mamlakat Mudofaa vazirligi.
Реклама на Unews
Seshanba kuni kechqurun Tog‘li Qorabog‘dagi vaziyat tinchligicha qoldi, ammo tushdan keyin Ozarbayjon aloqa liniyasining janubiy yo‘nalishi bo‘yicha keng ko‘lamli hujumni boshladi va raketa o‘qlarini qayta boshladi.
Kechqurun Armaniston Mudofaa vazirligi vakili Ozarbayjon tomonidan Xonkandi va Shushi yana o‘qqa tutilganini aytdi. Armaniston qo‘shinlari, Bokuga ko‘ra, neft quvurini o‘qqa tutishga urinishgan.
Moskva bugun yana mojaro tomonlarini o‘t ochishni to‘xtatishga va muzokaralar stoliga o‘tirishga chaqirdi, dedi prezident matbuot kotibi Dmitriy Peskov. Ozarbayjonning Moskvadagi elchisi Rossiyaning hozirgi Qorabog‘ bilan bog‘liq pozitsiyasini "muvozanatlashgan" deb atadi.
Реклама на Unews
Bu ka'bi muhim xabar va yangiliklar bilan Telegram kanalimizda birinchilardan ta'nishib boring!
Eng qaynoq xabarlar bilan TELEGRAM kanalda birinchilarda xabardor bo'ling.
