Armaniston-Ozarbayjon chegarasida yana qurolli to`qnashuv sodir bo`ldi

1176 13-09-2022 0 Dunyo

Ozarbayjon Mudofaa vazirligi saytida 12 sentyabrga o`tar kechasi Armaniston qurolli kuchlari bo`linmalari Ozarbayjon-Armaniston davlat chegarasining Dashkesan, Kalbajar va Lachin yo`nalishlarida keng ko`lamli provokasiyani amalga oshirgani haqida xabar berildi. Armaniston esa Ozarbayjonni chegara hududlarini o`qqa tutishda aybladi. Boku Erevan provokasiyasiga javob choralarini ko`rganliklarini bildirdi. Har ikki tomon qurbonlar haqida ma`lum qildi.

"Tunda Armaniston qurolli kuchlarining diversiya guruhlari tog`li hudud va daralardan foydalangan holda Ozarbayjon armiyasi bo`linmalari pozisiyalari va ta`minot yo`llari o`rtasida turli yo`nalishlarda minalash ishlarini olib bordi. Bo`linmalarimiz tomonidan bularning oldini olish bo`yicha ko`rilgan tezkor chora-tadbirlar natijasida to`qnashuv yuz berdi”, - deyiladi xabarda.

 

Qayd etilishicha, shaxsiy tarkib orasida yo`qotishlar bo`lgan, harbiy infratuzilmaga zarar etkazilgan. Armaniston Mudofaa vazirligi o`z saytida 13 sentyabr kuni soat 00:05 atrofida Ozarbayjon Qurolli kuchlari bo`linmalari artilleriya, minomyot va uchuvchisiz uchoqlardan foydalangan holda kuchli o`t ochgan. Armaniston-Ozarbayjon chegarasining bir nechta sektorlarida bir vaqtning o`zida joylashgan arman pozisiyalarida. 

"Jumladan, Sotk, Vardenis, Goris, Kapan, Artanish va Ishxonasar yo`nalishida joylashgan pozisiyalar o`qqa tutildi. Fuqarolik infratuzilmasi ob`ektlari ham o`q ostida. Armaniston Respublikasi qurolli kuchlari bo`linmalari jangovar vazifalarni to`liq bajarmoqda", - deyiladi ma`lumotda.

Shuningdek, Armaniston tomonida o`lganlar va yaradorlar borligini ma`lum qildi. Avvalroq Armaniston va Ozarbayjon tinchlik bitimi ustida ishlashni qayta boshlashga kelishib olgan edi.

Shundan so`ng, Armaniston Bosh vaziri Nikol Pashinyan va AQSh Davlat kotibi Entoni Blinken jangovar harakat boshlanishi asnosida Armaniston-Ozarbayjon chegarasidagi vaziyatni muhokama qildi. Bu haqda Armaniston hukumati matbuot xizmati xabar berdi.

“Bosh vazir Ozarbayjon tomonidan Armaniston suveren hududiga nisbatan amalga oshirilgan harakatga oid tafsilotni taqdim  etdi. Do`stlik shartnomasi shartini bajarish uchun Rossiyaga rasman murojaat qilish qarori to`g`risida ma`lum qilindi”, deyiladi bayonotda.
Bungacha Pashinyan telefon orqali Rossiya Prezidenti Vladimir Putinni voqea-hodisadan boxabar qilgan. Shuningdek, Fransiya etakchisi Emmanuel Makron bilan ham chegaradagi vaziyatni muhokama qilgan.