Andijondagi ko‘p qavatli uyda portlash sodir bo‘ldi

3185 13-03-2021 0 O'zimizda

Andijon shahridagi uylarning birida portlash oqibatida yong‘in sodir bo‘ldi. Viloyat hokimligi holat yuzasidan rasmiy munosabat bildirdi.

Ma’lum qilinishicha, bugun, 12 mart kuni soat 17:22 da Andijon shahar 1-kichik daha 1-ko‘p qavatli uyning 9-xonadonida chaqnash sodir bo‘lib, yong‘in kelib chiqqan. Sodir bo‘lgan yong‘indan yashash xonadonining 50 kv.m. maydonda uy-ro‘zg‘or buyumlari yonishi hamda chaqnashi oqibatida uy egasi M.M. va uning 2014 yilda tug‘ilgan nabirasi M.J. 50 foiz kuyish-tan jarohati bilan viloyat RSHTYOIM kuyiklar bo‘limiga joylashtirilgan. 

Andijon shahar FVB qutqaruvchilari voqea joyiga soat 17:25 da yetib borib, 17:28 da yong‘in o‘rab olingan. Voqea joyiga 4 ta asosiy 1 ta maxsus yong‘in qutqaruv avtomobillari jalb etilgan. Yong‘in soat 17:40 da batamom o‘chirilgan.
 
Yong‘indan ko‘p qavatli uyning taxminan 1200 metr kvadrat maydonda tom qismi va qo‘shni xonadonlar saqlab qolingan. Yong‘inga 4 ta YOQElari va 1 ta AL-30 avtonarvoni jalb etilgan.