BIRINCHI BO'L!

Eng muhim yangiliklardan birinchi xabardor bo'ling!

Obuna bo'lish
×

Andijon hokimining audiosi tarqalmoqda. Hokimlik holatga aniqlik kiritdi (audio)

Ijtimoiy tarmoqlarda Andijon viloyati hokimi Shuhratbek Abdurahmonovga tegishli ekani aytilayotgan audio tarqalmoqda.

Audioda ikki holat mavjud bo`lib, birinchi holatda hokim OAV vakillari — jurnalistlarga nisbatan munosabat bildirgan. Ikkinchi holatda esa viloyatning Marhamat tumani aholisi, xususan qabuliga kelgan ayollarni qamab qo`ygani ma`lum qilingan.

Ijtimoiy tarmoqlarda muhokama bo`layotgan mazkur audio yuzasidan viloyat hokimligi Matbuot xizmati munosabat bildirdi. 

Keltirilishicha, mazkur audioyozuv Andijon viloyati hokimi Sh.Abdurahmonovga tegishli ekanligi, ammo ushbu audioyozuv bundan ikki yil muqaddam yozib olinganligi ma`lum bo`lgan.

Bundan tashqari audioyozuvda viloyat hokimining bildirgan fikrida barcha OAV vakillariga emas, aksincha ayrim noxolis OAV xodimlariga nisbatan aytilganligini bilish mumkin.

Jumladan, o`tgan davr mobaynida OAV vakillari bilan shaxsan viloyat hokimining ishtirokida 20 dan ziyod ochiq muloqotlar, brifinglar, press turlar hamda matbuot anjumanlari o`tkazildi.

Shuningdek viloyat hokimligi Respublikamizda faoliyat olib borayotgan barcha OAV vakillari bilan doimiy ravishda Andijon viloyati ijtimoiy-iqtisodiy hamda siyosiy yangiliklarni yoritib borishda doimiy hamkorlikni yo`lga qo`ygan, deyiladi rasmiy munosabatda. 

Bu ka'bi muhim xabar va yangiliklar bilan Telegram kanalimizda  birinchilardan ta'nishib boring! 

Fikr qoldiring