Amerikadagi dahshatli yong‘in oqibatlari (video)
Amerika OAV tutuni Kaliforniya shtatining katta-katta shaharlarini qamrab olgan qo‘rqinchli o‘rmon yong‘inlarining video tasvirlarini namoyish etishdi. Voqea joyidan olingan kadrlar «CBS This Morning»ning YouTube kanaliga joylangan, deb yozmoqda "Xabar.uz" nashri.
Tutun Los-Anjeles va San-Fransisko osmonini butunlay chulg‘ab olib, yeru ko‘kni to‘q sariq-qizg‘ish tusga burkagan. Mahalliy aholi yuz berayotgan voqea-hodisalarni oxir zamonga qiyoslashmoqda.
Kamida yetti kishi tabiiy ofat qurboni bo‘lgani aytilmoqda. Kaliforniya va qo‘shni Oregon shtatida minglab uylar vayron bo‘lgan, uch milliondan ortiq kishi katta xavfdan ogohlantirilgan. Bir vaqtning o‘zida 28 ta yong‘in — 930 ming gektar o‘rmon yonmoqda. «New York Times»ning xabariga ko‘ra, joriy yil mobaynida o‘tgan yilgiga qaraganda 20 baravar ko‘p o‘rmon yonib kul bo‘lgan.
Реклама на Unews
O‘rmon yong‘inlari AQSh g‘arbiy sohillarida har yili kuzatiladi. Biroq odatda sentyabrning boshlarida bu darajada kuchli bo‘lmasdi. Mutaxassislarning ta’kidlashicha, hammasiga iqlim o‘zgarishlari sababchi.
Bu ka'bi muhim xabar va yangiliklar bilan Telegram kanalimizda birinchilardan ta'nishib boring!
Реклама на Unews
Eng qaynoq xabarlar bilan TELEGRAM kanalda birinchilarda xabardor bo'ling.
