BIRINCHI BO'L!

Eng muhim yangiliklardan birinchi xabardor bo'ling!

Obuna bo'lish
×

2020-yil dekabr... Koronavirus pandemiyasi qachon tugaydi?

Olimlar butun dunyoda koronavirus pandemiyasi qachon tugashini prognoz qildi. Bu haqda Singapur texnologiyalar va dizayn universiteti tadqiqotchilariga tayanib, New York Post xabar berdi.

Olimlarning fikricha, dunyo koronavirusdan 2020-yilning dekabr oyiga borib qutulishi mumkin. AQSh esa sentabr oxirlariga qadar kasallikni yengadi.

Ekspertlar kasallikka moyillik, infeksiyalangan va sog‘ayganlar dinamikasini tavsiflovchi infeksiya tarqalishining matematik modelidan (SIR-model) foydalangan.

Mutaxassislarning ogohlantirishicha, ularning prognozi to‘g‘ri bo‘lmasligi mumkin, shu sababli butun dunyo bo‘ylab karantin choralarini yengillashtirish bo‘yicha shoshma-shosharlik bilan qarorlar qabul qilmaslik kerak.

“Biror-bir prognozga asoslangan haddan ortiq optimizm tartib qoida va o‘z-o‘zini nazorat qilishning susayishiga olib kelishi bilan xavfli. Bu esa kasallar sonining ortishiga sabab bo‘ladi”, — deydi tadqiqotchilar.

Avvalroq Singapur universiteti olimlari aprel oyida COVID-19 koronavirusi epidemiyasining turli mamlakatlarda qachon yakuniga yetishi borasidagi taxminiy sanalarni e’lon qilgandi. Vaziyat tez o‘zgarayotgani tufayli ular bu boradagi barcha prognozlarini bekor qilgan va saytdagi grafikalarni o‘chirib tashlagandi.

Koronavirusning eng xavfli jihati ma’lum qilindi! Yangi turdagi koronavirus SARS-CoV-2’ning eng xavfli jihati uning yuqori darajada yuquvchanligi hisoblanadi. Bu haqda xitoylik virusolog, professor Chjun Nanshan ma’lum qildi, deb xabar berdi “Xuansyuvan” portali. Professorning ta’kidlashicha, SARS-CoV-2 mavsumiy gripp, ORVI (o‘tkir respirator virusli infeksiya) yoki MERS koronavirusidan tezroq va osonroq yuqadi. Shu sababli bu infeksiyaga qarshi kurashish uchun 4 ta komponent: erta himoya, infeksiyani erta aniqlash, erta tashxis va erta izolyatsiya zarur. Erta himoya ostida niqob va qo‘lqoplar taqib yurish, qo‘llarni tez-tez yuvish va ijtimoiy masofaga rioya qilish ko‘zda tutiladi. Bu choralar insonni himoyalaydi, chunki koronavirus bevosita aloqalar yoki yuzalar orqali yuqadi. Koronavirusni erta aniqlash uchun gavjum joylarda tana haroratini o‘lchash zarur. Shuningdek, shubhali alomatlar paydo bo‘lganda darhol shifokorlarga murojaat qilish kerak. Bunday alomatlarga o‘zini yomon his qilish, tana harorati ko‘tarilishi, quruq yo‘tal va noodatiy toliqish kiradi. Erta tashxis shifoxonalarda koronavirusga chalinganlarni boshqa bemorlar bilan aralashtirib yubormaslik imkonini beradi. Mutaxassisning aytishicha, buning uchun ambulator sharoitlarda ko‘rik o‘tkazish lozim. O‘z navbatida, erta izolyatsiyalash kasallangan odamning sog‘lom odamlar bilan aloqalarini minimallashtiradi. Avvalroq amerikalik olimlar SARS-CoV-2’ning o‘ta yuquvchanligi sababini aniqlashganini ma’lum qilishgandi. Ularning ta’kidlashicha, yangi turdagi koronavirus boshqa koronaviruslar: atipik zotiljam keltirib chiqaruvchi SARS-CoV-1 va inson uchun xavfsiz HCoV-HKU1’ning genomlarini o‘zida mujassamlagan. Atipik zotiljam virusi uncha yuqumli bo‘lmay, biroq undan o‘lish darajasi yuqori. HCoV-HKU1, aksincha, o‘ta yuqumli bo‘lib, biroq deyarli bezarar hisoblanadi.

Fikr qoldiring