Sport va umumta`lim maktablariga 100 milliard so`mlik sport jihozlari taqdim etiladi

3125 06-01-2021 0 У нас

Извините, на данном статье не имеет русская версия! Перейти на главной странице

Xalqaro press-klubning navbatdagi sessiyasi davlatimiz Prezident Shavkat Mirziyoevning O`zbekiston Parlamenti va xalqiga yo`llagan Murojaatnomasiga bag`ishlandi. Sessiyada ishtirok etgan Jismoniy tarbiya va sport vaziri Dilmurod Nabiev spikerlarning savollariga javob qaytardi.

- Hozirgi kunda mamlakatimizda qariyb 19% aholi jismoniy tarbiya va ommaviy sportga jalb qilingan. Ushbu ko`rsatkichni 2021 yil yakuniga qadar

25 foizga etkazishga harakat qilamiz. Ya`ni, mamlakatimizning 8,6 mln aholisi sportga jalb qilinadi. Bu natijaga aholi orasida jismoniy tayyorgarlik darajasi sinovlarini yo`lga qo`ygan holda erishmoqchimiz.

Bundan tashqari, bir qator hamkor tashkilotlar bilan birgalikda har bir hududni har oyda sportning ma`lum bir turiga, ya`ni aholi orasida keng ommalashgan badminton, stol tennisi, voleybol, basketbol, mini-futbol hamda shashka-shaxmat kabi turlariga ixtisoslashtiramiz. Misol uchun, yanvar oyida Qoraqalpog`iston Respublikasi voleybol sport turiga ixtisoslashadi. Har bir tuman, shahar va chekka hududlarda ham ushbu sport turi bo`yicha musobaqalar tashkil etiladi. Bunda mahallalarda g`olib bo`lgan jamoalar ikkinchi bosqichga yo`llanmani qo`lga kiritadi va shu tarzda bosqichma-bosqich amalga oshiriladi.

Oldimizda turgan eng muhim vazifalardan yana biri – 70ta jismoniy tarbiya va sport ta`limi muassasalari, 16 mingta maktabgacha ta`lim muassasasi hamda umumta`lim maktablari sport jihozlari bilan ta`minlanadi. Vazirlik tizimidagi sport ta`lim muassasalariga 38 mlrd. so`mlik jihozlar etkazib berilsa, maktabgacha ta`lim, umumta`lim maktablariga esa 62 mlrd. so`mlik sport inventarlari taqdim etiladi.

Bu ka'bi muhim xabar va yangiliklar bilan Telegram kanalimizda  birinchilardan ta'nishib boring!