Pufakchalar: Koronavirusning yangi alomatlari aniqlandi!

4659 11-10-2020 1 Наука

Извините, на данном статье не имеет русская версия! Перейти на главной странице

Britaniyalik olimlar koronavirus infeksiyasining yangi alomatlarini aniqlashdi. Ular orasida mushaklardagi og‘riq, kuchli charchoq va oyoqlardagi pufakchalar tilga olingan.

"Daily Mail" bu haqda Favqulodda vaziyatlar bo‘yicha ilmiy maslahat guruhi (SAGE) tadqiqotlariga asoslanib xabar bermoqda.

Mutaxassislar simptomlarning namoyon bo‘lishi virus yuqtirganlarning yoshiga va organizmlarning xususiyatlariga bog‘liqligini ta’kidladilar.

Buyuk Britaniya Sog‘liqni saqlash vazirligi test markazlariga qo‘shimcha yuklamalar yuzaga kelmasligi uchun yangi aniqlangan alomatlarni COVID-19 indikatorlari ro‘yxatiga kiritmaslikka qaror qildi.

Oktyabr oyi boshida Buyuk Britaniyaning Birmingem universiteti olimlari D vitaminini qabul qilish koronavirusdan himoyalanishda samara berishini ta’kidlashgan edi. Ular COVID -19 alomatlari paydo bo‘lganidan keyin izolyasiya qilingan tibbiyot xodimlari D vitamini yetishmasligidan aziyat chekishganini aniqlashgan.