Buxoroda karantin davrida yashirin saboq olgan 23 nafar o`quvchi koronavirusga test topshirdi va uy karantiniga olindi

4599 20-06-2020 0 У нас

Извините, на данном статье не имеет русская версия! Перейти на главной странице

Buxoro viloyatining Shofirkon tumanida ikki nafar o`qituvchi karantin paytida 23 nafar o`quvchiga yashirin tarzda tahsil bergani aniqlandi. Bu haqda daryo  Koronavirus infeksiyasi tarqalishining oldini olish va unga qarshi kurashish bo`yicha tuzilgan shtab mas`ullari xabariga tayanib yozmoqda. Bu haqida "Darakchi.uz" nashri xabar bermoqda.

Mazkur holat tuman huquq-tartibot idoralari hamda viloyat davlat sanitariya va epidemiologiya nazorat boshqarmasi tuman bo`limi inspektorlari bilan hamkorlikda o`tkazilgan tezkor tadbirda ma`lum bo`lgan.

Viloyatning Shofirkon tumani «qizil» hudud toifasiga kiritilganiga qaramasdan 48 yoshli Q.A. shu tumanning «Chandir» qishlog`ida yashovchi 45 yoshli M.F.ning yashash manzilida karantin qoidalarini buzib, noqonuniy tarzda o`quvchilarni to`plagan holda dars mashg`ulotlarini o`tkazgan.

Tadbir davomida M.F.ning xonadoni ko`zdan kechirilganda, o`quv darsliklar, test varaqalari hamda boshqa o`quv qurollari mavjudligi aniqlangan.

«Oliy ma`lumotli bo`lsa-da, hech qaerda ishlamaydigan bu fuqarolar karantin qoidalarini buzgan holda tibbiy vositalar bilan himoyalanmagan o`quvchilarga fanlardan test tarqatib, uyga vazifa bergan holda ularni tarqatib yubormoqchi bo`lishganini aytdi. Yoshlarga ta`lim berish yaxshi, biroq «qizil» hudud hisoblangan manzilda koronavirusga qarshi jiddiy kurash ketayotgan bir paytda bu fuqarolarning xatti-harakatlari qonunga zid ekanligini unutmasligimiz lozim», — deydi huquq-tartibot idorasi vakili.

O`quvchilarga dars o`tib kelgan fuqarolarga huquq va burchlari tushuntirilgan. 23 nafar o`quvchi esa uy karantiniga olingan.

Bu ka'bi muhim xabar va yangiliklar bilan Telegram kanalimizda  birinchilardan ta'nishib boring!